II Sam 11:26 - Sơ̆p Hlabơar Nơ̆r 'Bok Kei-Dei

²⁶ Akăn Uri kơtơ̆ng băt kơ klo sư lôch boih, na nhơ̆m hmoi.

II Sam 11:26 ပူးပေါင်းရင်းမြစ်များ

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

II Sam 11:25

Pơtao Đawit khan kơ bơngai năm roi noh: Ih athei roi kơ Jôap: 'Nĕ kơ mah sơ'ngon dêh kơ dôm tơdrong noh; đao gưm 'bơ̆t lăp pơlôch bơngai 'nâu, pơlôch bơngai to, ih athei khan kơ sư adrin tơblah năm tơ anăp păng pơrăm đĭ pơlei.

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

II Sam 3:31

Đawit khan kơ Jôap hăm đĭ-đăng kon pơlei kiơ̆ sư tơ noh: “Hek bĕ ao, asu 'bi tơ akâu, na nhơ̆m hmoi kơ Apner;” lu bơngai năm 'bŭ yak adrol kơ hơbang tung Apner, Đawit kiơ̆ đơ̆ng rŏng kơ đe tung Apner.

I Pot 21:16

Lăp Ahap kơtơ̆ng khan Nabôt lôch bơih, sư iung năm hloi tơ mir hơmu Nabôt Pơlei Jêsreel păng iŏk hloi mir 'noh jing mir sư kơdih.

Both 34:8

Kon pơlei pơla bơngai Isơrael nhơ̆m hmoi pơdong Môis lăm pêng-jĭt năr tơ anih tơmăn glă char Môap; dôm lu năr nhơ̆m hmoi păng năr pơdong Môis hlôi keh đang bơih.

I Sam 31:13

iŏk kơting lu sư 'bŭ ala tơm 'long prai tơ Jabes păng ơ̆t kơ sŏng sa lăm tơpơh năr.