II Sam 11:11 - Sơ̆p Hlabơar Nơ̆r 'Bok Kei-Dei

¹¹ Uri tơl Đawit: “Hom pơgơ̆p lu linh Isơrael păng Juđa oei tơ lăm bơsŭn, Jôap yŏng tơ'ngla inh, hăm lu đĭch đam oei tơ bri, na inh wă brŏk tơ hnam sŏng sa păng tep hơdai păng akăn inh hă? Inh pơkă hăm ih, inh ưh kơ gơh pơm minh tơdrong thoi noh”

II Sam 11:11 ပူးပေါင်းရင်းမြစ်များ

II Sam 11:10

Đe roi ăn kơ Đawit băt: “Uri ưh kơ brŏk tơ hnam sư.” Đawit jet Uri: “Liơ ih ưh kơ brŏk tơ hnam, yua kơ ih 'nao brŏk đơ̆ng trong ataih.”

II Sam 14:19

Pơtao apinh: “Hăm trŏ kư̆m đei ti Jôap mơ̆t hơdai lăm dôm tơdrong 'nâu?” Bơngai drŏ-kăn tơl: Pơtao yŏng tơ'ngla inh, inh yua tơdrong arih pơtao na pơkă, trŏ thoi nơ̆r pơtao đei khan. Jôap đĭch đam ih boih, pơjao ăn kơ inh păng bơtho tơ'bôh dôm lu nơ̆r wă pơma apinh păng pơm.

II Sam 20:6

Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

II Sam 7:2

na pơtao khan kơ Nathan bơngai khan lê̆ adrol: “Lăng deh inh oei lăm hnam pơm păng 'long hơngo, gah Hom pơgơ̆p Kră Yang 'Bok Kei-Dei oei lăm bơsŭn pơm hăm che.”

II Sam 7:6

Đơ̆ng năr Inh anhăk kon pơlei Isơrael lĕch đơ̆ng dêh Êyiptơ truh tơ dang ei, Inh ưh kơ đei oei tơ lăm hnam ayơ, mă-lei kơplah chă năm tơ âu tơ noh Inh oei lăm bơsŭn đĕch.

Jo 32:6

Mă-lei Môis tơl nơ̆r lu kon sâu Rubên păng Gat thoi âu: 'Nhŏng oh lu iĕm gô năm tơblah, na iĕm gô oei tơ âu hă?

Yo 13:14

Inh 'Bok Thây iĕm păng Yŏng iĕm, mă-lei Inh ôp jơ̆ng iĕm dang Inh pơm đĭch iĕm đĕch, mă iĕm athei ôp dih băl jơ̆ng iĕm.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.

I Sam 1:26

Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.

I Sam 14:18

Sôl khan kơ Ahija 'bok soi: Chĕp ba Hom Pơgơ̆p Kră Yang 'Bok Kei-Dei tơ âu. Kơplah noh Hom Pơgơ̆p Kră Yang 'Bok Kei-Dei oei tơ noh hăm bơngai Isơrael.

I Sam 17:55

Sôl 'bôh Đawit năm blah bơngai Philistin, na jet Apne yŏng pơgơ̆r linh: Ơ Apner, bơngai tơdăm mơlôh noh kon drŏ-nglo bu? Apner tơl khan: Ơ pơtao inh arih sot! Inh ưh kơ băt.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.