II Sam 10:8 - Sơ̆p Hlabơar Nơ̆r 'Bok Kei-Dei

⁸ Khŭl linh Ammôn lĕch dă 'bơ̆t trong wă mơ̆t tơ pơlei tih, gah lu linh Siri dă 'bơ̆t Sôba păng oei tơ Rêhôp, lu linh oei tơ pơlei Top păng oei tơ Maaka lu sư dă kơdih pha tơ bri tơ tơmăn glă.

II Sam 10:8 ပူးပေါင်းရင်းမြစ်များ

II Sam 10:6

Kon pơlei Ammôn băt kơ lu sư pơm wă kơ Đawit blĕk, na wơh bơngai năm mưng iŏk kon pơlei Siri oei tơ pơlei Bêtrêhot păng tơ Sôba dang 'bar-jĭt rơbâu 'nu linh, na mưng iŏk đơ̆ng pơtao Maaka minh-rơbâu 'nu linh, păng mơjĭt-'bar rơbâu 'nu bơngai đơ̆ng pơlei Top.

II Sam 10:7

Đawit kơtơ̆ng tơdrong noh, na wơh hloi Jôap yŏng linh hăm lu bơngai linh nuih kơtang sư năm tơblah.

II Sam 10:9

Wă Jôap yŏng linh 'bôh lu linh ayăt wă blah 'bar pah gah anăp gah rŏng kơ lu sư, na sư rơih lu linh nuih kơtang lăm lu bơngai Isơrael săp dă năm tơblah lu linh bơngai Siri.

II Sam 23:34

Êliphêlet, kon Ahasbai đơ̆ng pơlei Maaka; Êliam, kon Ahithôphel đơ̆ng pơlei Gilô;

I Pot 11:24

Kơplah Đawit pơlôch linh pơtao Sôba, na Rêson krao akŭm lơ bơngai kiơ̆ sư, na sư pơm yŏng pơgơ̆r lu linh tơklah 'noh, năm truh tơ pơlei Đamas oei tơ noh na pôk sư kơdih pơm pơtao plei Đamas.

I Ho 19:7

Lu sư apah pêng-jĭt 'bar-rơbâu gre aseh, bơngai chĕp gre aseh, pơtao Maaka hăm lu linh sư; lu sư năm pơm kơđông jê̆ tơ pơlei Mêdêba, lu đe Ammôn đơ̆ng lu pơlei lu sư năm akŭm băl păng lĕch năm tơblah.

I Ho 19:9

Lu bơngai Ammôn lĕch năm tơblah 'bơ̆t 'măng jang pơlei, lu pơtao nai sư oei dan linh sư tơ lăm bri tơmăn.

Je 40:8

Lu sư năm tơ'bơ̆p Gêđalia tơ pơlei Mispa, đei Ismael kon drŏ-nglo Nethania, Jôhanan păng Jônathan lu kon drŏ-nglo Karea, Sêraia kon drŏ-nglo Tanhumet, lu kon drŏ-nglo Êphai kon pơlei bơngai Nêtophai, Jêsania bơngai Maakat păng đĭ-đăng lu linh năm hơdai sư.

Jo 13:21

Thoi noh na lu đe noh năm chop dăr lăng dêh char, iŏk đơ̆ng char glă Yin truh tơ Rêhôp, jê̆ 'măng jang Hamat.

Jôsuê 19:28

Gah pơlei Adôn, Rêhôp, Hammôn păng Kana, truh tơ pơlei tih Siđôn.

Lu 1:31

Bơngai Aser kư̆m ưh kơ gơh pơpuh tơweh kon pơlei oei tơ Akô, dah kon pơlei oei tơ Siđôn, kon pơlei oei tơ Ahlap, kon pơlei oei tơ Aksip, kon pơlei oei tơ Helba, kon pơlei oei tơ Aphik dah kon pơlei oei tơ Rêhôp.

Lu 11:3

Đơ̆ng noh Jeptha kơdâu jăk ataih đơ̆ng lu 'nhŏng oh sư, sư oei lăm tơring Tôp; tơ noh đei lu bơngai pơm kơchu, lu sư pơm jơhngơ̆m đon păng Jeptha;

Lu 11:5

Lu kră pơgơ̆r bơngai Isơrael đơ̆ng char Gileat năm tơ tơring Tôp năm iŏk Jeptha brŏk năm tơblah kon pơlei Ammôn.