II Pot 9:35 - Sơ̆p Hlabơar Nơ̆r 'Bok Kei-Dei

³⁵ Thoi noh lu đĭch đam wă năm 'bŭ sư; mă-lei lu sư 'bôh oei pă pôm kơ̆l, na 'bar pah jơ̆ng păng 'bar pah tơpang ti đĕch bơih 'bơ̆t dei.

II Pot 9:35 ပူးပေါင်းရင်းမြစ်များ

II Pot 9:10

Kŏ gô sa akâu yă Jêsebel lăm char glă Jêsreel, ưh kơ đei bu 'bŭ sư.” Na bơngai tơdăm ei pơih 'măng păng kơdâu weh hloi.

II Pot 9:34

Jêhu mơ̆t lăm hnam, sŏng sa đang bơih na sư khan: “Iĕm năm lăng drŏ-kăn kơlĕl răm 'noh hei năm! Păng iĕm 'bŭ hơmet sư, yua kơ sư kon pơtao.”

II Pot 9:36

Lu sư wơ̆t roi ăn kơ Jêhu yŏng tơ'ngla sư. Na Jêhu khan: “'Noh bơih nơ̆r Kră Yang yua bơih 'bơ̆r Êli đĭch đam Sư bơngai Pơlei Tisbe, lăm mir chŭn Pơlei Jêsreel kŏ gô sa atâu Jêsebel.”

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Je 22:19

Đe gô 'bŭ sư thoi đe 'bŭ aseh iĕ, đe gô hor sư tơ 'nguaih, păng klơ̆m lê̆ sư tơ ataih kơ 'măng jang pơlei Jêrusalem.

Je 36:30

Thoi noh na 'nâu nơ̆r Kră Yang khan gah Jêhôiakim, pơtao đe Juđa: Kon sâu sư ưh kơ đei bu hơ-oei 'bơ̆t tang-dŏ pơtao Đawit; akâu atâu sư lôch đe gô klơ̆m lê̆ tơ 'nguaih sơ̆k tơtŏ kơ'năr păng lê̆ tơtŭk tơngiĕt kơmăng.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.