II Pot 9:34 - Sơ̆p Hlabơar Nơ̆r 'Bok Kei-Dei

³⁴ Jêhu mơ̆t lăm hnam, sŏng sa đang bơih na sư khan: “Iĕm năm lăng drŏ-kăn kơlĕl răm 'noh hei năm! Păng iĕm 'bŭ hơmet sư, yua kơ sư kon pơtao.”

II Pot 9:34 ပူးပေါင်းရင်းမြစ်များ

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Pot 18:41

Êli khan kơ Ahap: “Tŏk năm, sŏng sa păng et yua kơ inh kơtơ̆ng jơwa 'mi tih.”

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

II Pot 9:33

Sư athei: “Iĕm tơlơ̆ hơtat sư tơ teh jah.” Lu sư tơlơ̆ hơtat hloi yă ei tơ teh, na pham sư tơprah tơ tơnăr hnam, tơ akâu aseh, đơ̆ng noh aseh yak pơjuă akâu sư.

II Pot 9:35

Thoi noh lu đĭch đam wă năm 'bŭ sư; mă-lei lu sư 'bôh oei pă pôm kơ̆l, na 'bar pah jơ̆ng păng 'bar pah tơpang ti đĕch bơih 'bơ̆t dei.

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.