II Pot 9:27 - Sơ̆p Hlabơar Nơ̆r 'Bok Kei-Dei

²⁷ Lăp Ahasia pơtao đe Juđa 'bôh tơdrong noh na kơdâu ôn tơklă Pơlei Bet Hagan. Mă-lei, Jêhu druh 'moi sư păng khan: “Kŭm khŏm prah pơlôch sư mơ̆n.” Na lu sư răp găn prah pơtao Ahasia 'bơ̆t trong kuĕl tơklă pơlei Gur jê̆ Iblêam. Đơ̆ng noh Ahasia kơdâu tơ Pơlei Mêgiđô păng sư lôch hloi tơ noh.

II Pot 9:27 ပူးပေါင်းရင်းမြစ်များ

I Pot 21:2

Ahap khan kơ Nabôt. “Apinh ih ăn kơ inh pơgar hơmu ih 'noh, inh wă pơm pơgar pơtăm hla 'nhot, yua kơ jê̆ hnam inh. Ba tơplih hăm pơgar hơmu inh 'lơ̆ng hloh kơ pơgar hơmu ih 'nâu, dah ih wă tĕch dôm yơ, inh gô ăn kơ ih jên.”

I Pot 4:12

Baana kon drŏ-nglo Ahilut wei-lăng lăm pơlei Taanach, pơlei Mêgiđô păng đĭ kơ pơlei Bêtsan jê̆ pơlei Sarêthan gah ala kơ pơlei Jêsreel păng iŏk đơ̆ng pơlei Bêt Sêan truh kơ pơlei Abel Mêhôla, truh tơ pah to pơlei Jôkmêam.

II Pot 10:4

Mă-lei lu sư hli tơrơ dêh, păng khan: “'Nhŏ kơ 'bar 'nu pơtao ưh kơ kĕ dơ̆ng 'bơ̆t anăp sư, tơma nhôn khan tơblah sư kĕ liơ 'nei?”

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 12:1

Sơnăm mă tơpơh, chăl Jêhu pơgơ̆r, Jôas tŏk pơm pơtao păng pơgơ̆r puăn-jĭt sơnăm lăm Pơlei Jêrusalem. Mĕ sư yă Sibia, Pơlei Bêrsêba.

II Pot 12:21

Jôsaka, kon drŏ-nglo Simêat păng Jêhôsabat, kon drŏ-nglo Sômer, bre sư noh đĭch đam Jôas, bre sư pơlôch Jôas. Đe 'bŭ sư hơdai hăm lu 'bok kơdră sư tơ Pơlei Đawit; đơ̆ng noh Amasia, kon drŏ-nglo sư pơtrơp pơgơ̆r tơplih sư.

II Pot 14:19

Tơ Pơlei Jêrusalem đei bơngai chă đon wă blah pơtao Amasia. Na sư kơdâu ôn tơ Lakis. Mă-lei đe athei bơngai druh 'moi rôp sư tơ Lakis păng pơlôch sư tơ noh.

II Pot 21:23

Thoi noh, lu đĭch đam Ammôn chă đon blơ̆ sư păng pơlôch lê̆ sư lăm hnam pơtao sư.

II Pot 8:29

Na sư wơ̆t brŏk tơ Pơlei Jêsreel hơmet rơka đêl linh Aram prah 'bơm sư tơ pơlei Ramôt, 'bơ̆t năr sư tơblah hăm Hasael, pơtao đe Aram. Ahasia kon drŏ-nglo Jêhôram, pơtao đe Juđa, sư jur tơ Jêsreel wă năm lăng Jêhôram, kon drŏ-nglo Ahap oei jĭ 'bĭch păn tơ noh.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Jo 16:26

Sư khan kơ tơpôl kon pơlei akŭm thoi âu: Dang ei athei weh bĕ ataih đơ̆ng anih bơsŭn lu bơngai pơm kơnê̆ âu păng kư̆m 'nĕ kơ hơtŭt 'bơm tơmam kiơ lu sư, kơnh hli kơ iĕm lôch yua kơ tơdrong yoch lu sư.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

Lu 1:27

Bơngai Manase ưh kơ gơh puh lê̆ lu kon pơlei oei tơ Bêt Sêan păng pơlei oei jum dăr ưh kơ tam, kon pơlei oei tơ Tanak păng lu pơlei jum dăr kơ sư kư̆m ưh kơ tam, lu kon pơlei oei tơ Đôr păng pơlei oei jum dăr kơ sư, kon pơlei oei tơ Iblêam păng pơlei jum dăr kơ sư, pơlei oei tơ Mêgiđô păng rim pơlei mă sư pơgơ̆r, na sư kư̆m ưh kơ gơh pơpuh lê̆ tơ nai, yua kơ đei lu kon pơlei Kanaan oei tơ lăm lu pơlei ei.

Lu 5:19

Lu 'bok pơtao năm truh tơblah hloi Lu sư blah lu pơtao Kanaan. Tơ Tanak, jê̆ thong đak Mêgiđô; lu sư ưh kơ đei blah iŏk kiơ, jên dah tơmam!