II Pot 9:26 - Sơ̆p Hlabơar Nơ̆r 'Bok Kei-Dei

²⁶ “Kră Yang khan: Tơpă năr brei Inh 'bôh bơih pham Nabôt păng pham lu kon drŏ-nglo sư: Inh gô pơm plơ̆ kơ ih tơ mir 'nâu mơ̆n. Na hor bĕ atâu sư 'nâu klơ̆m hơtat lê̆ lăm mir chŭn noh kiơ̆ thoi nơ̆r Kră Yang hlôi khan bơih.”

II Pot 9:26 ပူးပေါင်းရင်းမြစ်များ

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

II Pot 9:21

Na Jôram khan: “Iŏk kơ ĭnh gre aseh bĕ;” Na đe iŏk gre aseh ăn kơ sư hao năm; Jôram pơtao đe Isơrael păng Ahasia pơtao đe Juđa, bre sư hao gre aseh sư kơdih kơdih năm sơng Jêhu na lu sư tơ'bơ̆p Jêhu 'bơ̆t teh mir Nabôt bơngai Pơlei Jêsreel.

II Pot 9:25

Na Jêhu khan kơ Bithan kuan wei sư: “Iŏk atâu sư 'nâu klơ̆m lê̆ lăm mir Nabôt Pơlei Jêsreel; ih hăm 'blŏk, minh 'măng ki ba đih hao gre aseh kiơ̆ 'moi Ahap, 'bă sư, na Kră Yang khan lê̆ gah sư:

II Ho 24:25

Wă lu linh Siri weh tơ nai boih, lê̆ Jôas đei rơka jrŭ dêh. Lu Yŏng bơ̆jang kơ sư pơđâu wă pơm kơnê̆ kơ sư, wă tơiung kơting pơm 'mong pham kơ kon drŏ-nglo Jêhôiada 'bok soi, na đe pơlôch hloi Jôas 'bơ̆t kơpal giơng tep sư; đe 'bŭ sư tơ lăm Pơlei Đawit, mă-lei ưh kơ 'bŭ hơdai lu pơtao.

II Ho 25:4

Mă-lei sư ưh kơ pơlôch ôh kon drŏ-nglo đe noh, kiơ̆ thoi đei chih lăm sơ̆p hla bơar khôi juăt Môis. Lăm khôi juăt Kră Yang đei khan: “'Bă huay kơ lôch yua kơ kon, kon huay kơ lôch yua kơ đơ̆ng 'bă pơm yoch; mă-lei rim 'nu gô lôch yua kơ tơdrong yoch Sư kơdih.”

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Êsêkiên 18:19

Lu iĕm đei jet: “Liơ kon sư ưh kơ pŭ tơdrong yoch kơnê̆ 'bă sư? Dah đei bu pơm 'lơ̆ng tơpăt pơm kiơ̆ khôi juăt Inh, tơpă sư gô đei tơdrong arih.

Habakuk 2:10

Ih chă pơm mơlâu kơ hnam dơnŏ ih kơdih păng pơlôch lơ kon pơlei pơla, ih đei pơrăm Bơhngol ih.

Both 24:16

'Nĕ kơ pơlôch 'bă yua kơ đơ̆ng tơdrong yoch kon, kư̆m 'nĕ kơ pơlôch lu kon yua kơ đơ̆ng tơdrong yoch 'bă, bơngai bu pơm yoch na pơlôch bơngai noh.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.