II Pot 9:20 - Sơ̆p Hlabơar Nơ̆r 'Bok Kei-Dei

²⁰ Lĭnh gak roi dơ̆ng khan: “Bơngai mă đe wơh noh sư năm truh tơ ei bơih, mă ưh kơ 'bôh brŏk. To, bơngai hao gre aseh wă năm tơ âu, noh băt Jêhu, kon drŏ-nglo Nimsi bơih, sư hao hrơ̆t aseh nhen thoi blĕk dêh.”

II Pot 9:20 ပူးပေါင်းရင်းမြစ်များ

II Sam 18:27

Linh gak khan: “Inh 'bôh bơngai kơdâu adrol nhen Ahimaas, kon drŏ-nglo 'bok soi Sađŏk.” Pơtao khan: “Noh jơ̆ minh 'nu bơngai 'lơ̆ng, sư boih bơngai ba tơdrong 'lơ̆ng 'nao.”

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

II Pot 10:16

Păng sư khan: “Năm hơdai ĭnh bĕ, lăng jơhngơ̆m ĭnh tơnăp kơjăp hăm Kră Yang.” Thoi noh, Jônadap hao gre hơdai sư.

II Pot 9:19

Na pơtao wơh dơ̆ng minh 'nu linh mă 'bar kư̆m hao aseh năm truh tơ lu đe ei păng khan: “Pơtao jet: Hăm hiôk-hian ưh?” Jêhu tơl: “Tơdrong hiôk-hian 'bơm kiơ kơ ih? Weh tơ rŏng inh bĕ!”

II Pot 9:2

Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Da 11:44

Mă-lei lu tơdrong roi tơbăt đơ̆ng gah hơlĕch păng gah yă-nơ̆m gô truh tơ sư pơm kơ sư hơwơ̆l, hiơ̆k bơngơ̆t; sư blĕk dêh na chă đon wă pơrăm păng pơlôch lơ bơngai.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Habakuk 3:12

Tơdrong hil Ih truh tơ teh, Păng hil mĭl oei pơjuă adrĕch adrung kon bơngai.