II Pot 9:2 - Sơ̆p Hlabơar Nơ̆r 'Bok Kei-Dei

² Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

II Pot 9:2 ပူးပေါင်းရင်းမြစ်များ

I Pot 20:30

Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

I Pot 22:25

Mikai tơl: “Ih gô băt tơdrong noh, lăm năr ih kơdâu ôn tơ anih hrĕp kơnh.”

II Pot 9:11

Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Pot 9:20

Lĭnh gak roi dơ̆ng khan: “Bơngai mă đe wơh noh sư năm truh tơ ei bơih, mă ưh kơ 'bôh brŏk. To, bơngai hao gre aseh wă năm tơ âu, noh băt Jêhu, kon drŏ-nglo Nimsi bơih, sư hao hrơ̆t aseh nhen thoi blĕk dêh.”

II Pot 9:5

Kơplah sư truh, lu 'bok tih khŭl linh oei hơ-oei akŭm pơđâu sư khan kơ Jêhu: “Ơ 'bok kuan tih, inh đei tơdrong wă pơma dơnuh hăm ih! Jêhu tơl: “Ih wă pơma dơnuh hăm bu lăm lu nhôn?” Bơngai tơdăm ei tơl: “Ơ kuan tih, ĭnh wă pơma dơnuh hăm ih.”