II Pot 9:18 - Sơ̆p Hlabơar Nơ̆r 'Bok Kei-Dei

¹⁸ Thoi noh, đe wơh minh 'nu linh hao aseh năm sơng Jêhu păng roi ăn kơ sư khan: “Pơtao jet: Hăm oei hiôk-hian ưh?” Jêhu tơl: “Tơdrong hiôk-hian 'bơm kiơ kơ ih? Weh tơ rŏng inh bĕ.” Lĭnh gak ei roi khan dơ̆ng: “Bơngai mă đe wơh noh sư năm truh tơ khŭl linh ei bơih, mă-lei ưh kơ 'bôh brŏk.”

II Pot 9:18 ပူးပေါင်းရင်းမြစ်များ

II Pot 9:17

Lĭnh gak dơ̆ng kơpal hnam thôt lăm pơlei Jêsreel 'bôh khŭl linh Jêhu truh na sư ôr re khan: “Inh 'bôh khŭl linh năm tơ âu.” Jôram khan athei: “Năm wơh minh 'nu linh hao aseh năm sơng lu sư tơ noh păng jet khan: Hăm hiôk-hian ưh?”

II Pot 9:19

Na pơtao wơh dơ̆ng minh 'nu linh mă 'bar kư̆m hao aseh năm truh tơ lu đe ei păng khan: “Pơtao jet: Hăm hiôk-hian ưh?” Jêhu tơl: “Tơdrong hiôk-hian 'bơm kiơ kơ ih? Weh tơ rŏng inh bĕ!”

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

II Pot 9:31

Lăp Jêhu năm mơ̆t trong 'măng dur pơlei na yă ei khan: “Ơ Simri, bơngai pơlôch yŏng tơ'ngla inh oei liĕm akâu hiôk-hian mơ̆n?”

Êsai 48:22

Kră Yang khan lu bơngai kơnê̆ ưh kơ đei layơ hiôk rơnŭk.”

Êsai 59:8

Lu sư ưh kơ băt trong hiôk-hian, lăm trong lu sư kư̆m ưh kơ đei trong tơpăt hơnơ̆ng, lu sư pơm kơdih lu trong đŏng đĕo, bơngai bu năm lăm trong 'noh sư ưh kơ băt tơdrong hiôk-hian!

Je 16:5

“Kră Yang khan: Ih 'nĕ kơ mơ̆t tơ lăm hnam lôch; ih 'nĕ kơ năm ngôi hơpong păng kư̆m 'nĕ kơ pơlung lu sư; yua kơ Inh pơdrâu lê̆ boih tơdrong hiôk tơdrong 'mêm mơnat Inh đơ̆ng kon pơlei âu.” Noh Kră Yang khan.

Rom 3:17

Kon bơngai ưh kơ băt chă tơdrong hiôk thoi yơ.