II Pot 9:14 - Sơ̆p Hlabơar Nơ̆r 'Bok Kei-Dei

¹⁴ Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Pot 9:14 ပူးပေါင်းရင်းမြစ်များ

I Pot 15:27

Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

I Pot 16:16

Lăp lu linh lăm kơđông kơtơ̆ng đe khan Simri blơ̆ păng pơlôch pơtao. Đĭ-đăng kon pơlei pơla Isơrael pôk Ômri bơngai mă pơm yŏng linh, ăn kơ sư pơm pơtao Isơrael.

I Pot 16:7

Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

I Pot 16:9

Simri bơngai pơm yŏng wei-lăng minh puăt gre aseh sư, chă đon pơm kơnê̆ kơ sư. Êla oei lăm Pơlei Tirsa, kơplah et tơdrô suai tơ lăm hnam Arsa bơngai wei-lăng hnam pơtao tơ pơlei Tirsa,

I Pot 22:3

Pơtao đe Isơrael khan kơ lu bơngai bơ̆jang kơ sư. “Lu iĕm hăm băt ưh pơlei Ramôt Gileat 'noh teh lu bơ̆n, mă-lei lu bơ̆n kư̆m oei hreh ưh kơ đei pơm kiơ, wă pơdrâu iŏk sư đơ̆ng tơpang ti pơtao Aram?”

II Pot 10:9

Pơgê đơ̆ng rŏng, sư lĕch, dơ̆ng 'bơ̆t anăp đĭ-đăng kon pơlei, na khan: “Lu iĕm ưh kơ 'bơm, ưh kơ pơm yoch ôh. Inh 'nâu bơngai mă pơm plơ̆ kơ yŏng tơ'ngla ĭnh păng pơlôch sư, mă-lei bĭ lu bơngai 'nâu, bu pơlôch lu sư?

II Pot 12:21

Jôsaka, kon drŏ-nglo Simêat păng Jêhôsabat, kon drŏ-nglo Sômer, bre sư noh đĭch đam Jôas, bre sư pơlôch Jôas. Đe 'bŭ sư hơdai hăm lu 'bok kơdră sư tơ Pơlei Đawit; đơ̆ng noh Amasia, kon drŏ-nglo sư pơtrơp pơgơ̆r tơplih sư.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 8:28

Ahasia sư năm hơdai hăm Jôram kon drŏ-nglo Ahap, năm truh tơ Pơlei Ramôt Gileat wă tơblah hăm Hasael pơtao đe Aram, lu sư tơblah noh, pơtao Jôram rơka.

II Pot 8:29

Na sư wơ̆t brŏk tơ Pơlei Jêsreel hơmet rơka đêl linh Aram prah 'bơm sư tơ pơlei Ramôt, 'bơ̆t năr sư tơblah hăm Hasael, pơtao đe Aram. Ahasia kon drŏ-nglo Jêhôram, pơtao đe Juđa, sư jur tơ Jêsreel wă năm lăng Jêhôram, kon drŏ-nglo Ahap oei jĭ 'bĭch păn tơ noh.

II Pot 9:2

Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

II Pot 9:31

Lăp Jêhu năm mơ̆t trong 'măng dur pơlei na yă ei khan: “Ơ Simri, bơngai pơlôch yŏng tơ'ngla inh oei liĕm akâu hiôk-hian mơ̆n?”