II Pot 9:11 - Sơ̆p Hlabơar Nơ̆r 'Bok Kei-Dei

¹¹ Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

II Pot 9:11 ပူးပေါင်းရင်းမြစ်များ

II Pot 4:26

Ih kơdâu sơng sư năm! Păng ih jet sư: “Hăm oei hiôk 'lơ̆ng ngăl ưh? Klo ih hăm oei hiôk 'lơ̆ng ưh? Kon ih hăm oei hiôk ưh?” Duch ei tơl: “Oei hiôk 'lơ̆ng mơ̆n!

II Pot 5:21

Thoi noh, Gêhasi druh 'moi Naaman! Naaman hue lăng tơ rŏng 'bôh đei bơngai druh 'moi sư, na sư jur đơ̆ng gre aseh, năm tơkan sơng bơngai 'noh păng jet “tôm tơdrong oei hiôk-hian mơ̆n ưh?”

II Pot 9:12

Mă-lei lu sư khan: “Hơlĕnh ưh kơ trŏ thoi noh ôh, roi bĕ kơ nhôn dang ei?” Thoi noh sư roi kơ đe noh: “Bơngai noh khan kơ inh thoi âu: Kră Yang khan Inh rơih iŏk ih ăn kơ đe tuh đak rơmă 'bâu phu kơ ih wă kơ ih pơm pơtao Isơrael.”

II Pot 9:17

Lĭnh gak dơ̆ng kơpal hnam thôt lăm pơlei Jêsreel 'bôh khŭl linh Jêhu truh na sư ôr re khan: “Inh 'bôh khŭl linh năm tơ âu.” Jôram khan athei: “Năm wơh minh 'nu linh hao aseh năm sơng lu sư tơ noh păng jet khan: Hăm hiôk-hian ưh?”

II Pot 9:19

Na pơtao wơh dơ̆ng minh 'nu linh mă 'bar kư̆m hao aseh năm truh tơ lu đe ei păng khan: “Pơtao jet: Hăm hiôk-hian ưh?” Jêhu tơl: “Tơdrong hiôk-hian 'bơm kiơ kơ ih? Weh tơ rŏng inh bĕ!”

II Pot 9:2

Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

II Pot 9:22

Lăp 'bôh Jêhu na Jôram jet: “Ơ Jêhu, hăm trŏ kơ ih năm wă kơ hiôk-hian?” Mă-lei, Jêhu tơl khan: “Na! Mưh khan mĕ ih yă Jêsebel oei kơkuh pơm yang,a pơm pơjâu, na wă hiôk hơiă liơ gơh?”

Êsai 59:15

Tơdrong tơpăt ưh pă đei bơih, lu bơngai weh đơ̆ng tơdrong kơnê̆ đe rôp tơgar iŏk. Kră Yang 'bôh na sư ơh sơ'ngon yua kơ ưh kơ đei tơdrong tơpăt hơnơ̆ng

Je 29:26

Kră Yang đei jao ăn kơ ih boih pơm 'bok soi tơplih kơ Jêhôiada wă pơgơ̆r wei-lăng hnam akŭm Kră Yang Ih gơh athei đe rôp hơnuh ako, rôp jơlŏng lê̆ jơ̆ng, tơdah bu mă wơnh khan lê̆ adrol

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Yo 10:20

Đei lơ bơngai mơ'nah khan: “Iĕm 'maih mơ̆ng kiơ kơ Sư, noh Sư bơngai yang mơ̆t pơm kơ Sư wơnh?”

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.