II Pot 9:1 - Sơ̆p Hlabơar Nơ̆r 'Bok Kei-Dei

¹ Êlisê bơngai khan lê̆ adrol, sư krao minh 'nu lăm lu khŭl bơngai khan lê̆ adrol na khan: “Iŏk tơlei tơ̆n, tơ̆n kơiĕng ih bĕ, chĕp get đak 'bâu phu 'nâu, năm tơ Pơlei Ramôt Galaat.

II Pot 9:1 ပူးပေါင်းရင်းမြစ်များ

I Pot 1:39

Tơ noh 'bok soi Sadok iŏk hơke mong đak pơgang 'bâu phu đơ̆ng lăm bơsŭn anih akŭm tuh kơpal kơ̆l Sôlômôn. Đe hlôm tơgiĕp păng đĭ-đăng kon pơlei pơla ôr jreo pơma khan: “Sôlômôn pơtao arih sot!”

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

I Pot 19:16

Păng tuh đak rơmă 'bâu phu kơ Jêhu kon drŏ-nglo Nimsi pôk sư pơm pơtao đe Isơrael; đơ̆ng noh ih athei tuh đak rơmă 'bâu phu kơ Êlisê kon drŏ-nglo Saphat đơ̆ng Pơlei Abel Mêhôla jing bơngai khan lê̆ adrol tơplih ih.

I Pot 20:35

Chu nơ̆r Kră Yang, đei minh 'nu lăm lu bơngai khan lê̆ adrol khan kơ buăl sư: “Apinh ih teh inh,” Mă-lei buăl sư ưh kơ teh sư.

I Pot 22:20

Kră Yang jet: ‘Bu gô năm pơhlŭ Ahap, wă kơ sư tŏk tơ Pơlei Ramôt Gileat, na pơ̆k lôch tơ noh?’ Đei mơ'nah tơl khan thoi âu, đei mơ'nah khan thoi noh.

I Pot 22:4

Pơtao khan kơ Jêhôsaphat: “Ih hăm wă blah iŏk Pơlei Ramôt Gileat hơdai hăm inh ưh?” Jêhôsaphat tơl pơtao đe Isơrael: Inh kư̆m thoi ih, kon pơlei pơla inh kư̆m thoi kon pơlei pơla ih, aseh inh kư̆m thoi aseh ih mơ̆n.”

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 2:3

Lu khŭl bơngai khan lê̆ adrol oei lăm pơlei Bethel năm jet Êlisê: “Ih hăm băt ưh dang ei Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ!

II Pot 2:5

Lu khŭl bơngai khan lê̆ adrol oei lăm Pơlei Jêrikô năm tơ Êlisê, jet sư: “Ih hăm băt ưh năr âu Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ”

II Pot 2:7

Đei pơđăm-jĭt 'nu lăm lu khŭl bơngai khan lê̆ adrol kiơ̆ bre sư, dơ̆ng tơ ataih kơ bre sư; bre Êli hăm Êlisê oei dơ̆ng 'bơ̆t cheng đak krong Jôrđăn.

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

II Pot 4:29

Êlisê khan kơ Gêhasi: “Iŏk tơlei tơ̆n, tơ̆n tơ kơiĕng ih, chĕp ba 'long jra inh 'nâu păng năm hloi dang ei, dah ih tơ'bơ̆p bu ih 'nĕ kơ pơma dơnuh, dah bu bu pơma dơnuh hăm ih, ih 'nĕ kơ tơl hŏ! Truh tơ ei ih dan 'long jra inh 'nâu 'bơ̆t muh măt 'lơ̆p ei.”

II Pot 9:4

Na bơngai tơdăm noh, sư bơngai khan lê̆ adrol oei mơlôh năm truh tơ Pơlei Ramôt Gileat.

II Ho 22:1

Lu kon pơlei oei lăm Jêrusalem pôk Ahasia kon adruch Jêhôram, pơm pơtao đe Juđa pơtrơp 'bă sư yua kơ khŭl linh hơdai hăm linh Arâp mơ̆t blah lăm kơđông linh sư, na pơlôch đĭ lu kon drŏ-nglo 'nhŏng kơ sư, thoi noh Ahasia kon drŏ-nglo hơdruch Jêhôram iung pơm pơtao đe Juđa.

II Ho 22:5

Sư kư̆m hlŭ kiơ̆ kơ đe noh na yak kiơ̆ Jôram kon drŏ-nglo Ahap, pơtao Isơrael, năm blah tơ pơlei Ramôt Gileat, wă tơblah hăm Hasael pơtao Siri; kon pơlei Siri blah Jôram rơka.

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Mathiơ 26:7

Kơplah lu sư oei sŏng sa đei minh 'nu drŏ-kăn chĕp minh pôm gŏl đak pơgang 'bâu phu đe gĭt tơpă, gŏl noh đe pơm păng tơmo. Na duch noh tuh tơ kơ̆l Yêsu.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.