II Pot 8:8 - Sơ̆p Hlabơar Nơ̆r 'Bok Kei-Dei

⁸ “Pơtao athei Hasael: Chĕp ba minh pôm tơmam pơyơ̆r năm sơng Êlisê bơngai Kră Yang 'Bok Kei-Dei yua, gơnang kơ sư krao apinh jet Kră Yang: “Ĭnh hăm wă kĕ klaih đơ̆ng jĭ dah ưh?”

II Pot 8:8 ပူးပေါင်းရင်းမြစ်များ

I Pot 19:15

Kră Yang khan kơ sư: “Ih brŏk hơlơ̆k bĕ trong đêl ih năm 'noh truh tơ Pơlei Đamas. Mưh ih truh tơ noh bơih ih tuh đak rơmă 'bâu phu kơ Hasael pơm pơtao char Siri.

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

II Pot 1:16

Sư khan kơ pơtao: “Kră Yang khan thoi âu: Ih wơh bơngai năm jet apinh yang Baal Sêhup, yang Pơlei Ekrôn, lăm Isơrael ưh kơ đei Kră Yang 'Bok Kei-Dei mă ih wă jet apinh nơ̆r Sư bơih hă? Yua kơ noh bơih na ih ưh kơ đei iung đơ̆ng giơng ih 'bĭch noh ôh, sĭt ih gô lôch.”

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 1:6

Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

II Pot 5:5

Na pơtao đe Aram tơl: “Năm bĕ, inh gô gơih ăn kơ pơtao đe Isơrael kơthơ.” Thoi noh, Naaman năm hĭ, chĕp ba mơjĭt hlak talâng jên hu, tơdrâu-rơbâu hlak maih păng mơjĭt blah ao.

Luka 13:23

Đei bơngai jet Sư: “Ơ 'Bok, bơngai gơh klaih đơ̆ng tơdrong yoch lăp tŏ sĕt đĕch dah kiơ?” Na Yêsu khan kơ lu sư:

Jang 16:30

Na sư tơlĕch bre Pôl păng Silas tơ 'ngoaih păng jet bre sư: “Ơ bre 'bok, pơm liơ inh gơh klaih đơ̆ng tơdrong yoch?”

I Sam 9:7

Sôl khan kơ đam sư: Mă-lei ba iŏk yă kiơ wă pơyơ̆r ăn kơ sư? Lăm kơdŭng ba tơmam sa ba đĭ bơih, ba ưh pă đei tơmam kiơ wă pơyơ̆r ăn kơ bơngai mă Kră Yang 'Bok Kei-Dei yua noh. Ba ưh pă đei yă kiơ?