II Pot 8:6 - Sơ̆p Hlabơar Nơ̆r 'Bok Kei-Dei

⁶ Pơtao jet hloi duch ei, na duch ei roi ăn kơ sư tơdrong noh. Đơ̆ng noh pơtao athei minh 'nu kuan krao pơma tơgŭm ăn, pơtao khan: “Pơdrâu ăn kơ duch âu dôm tơmam sư noh bĕ păng đĭ-đăng phe 'ba đơ̆ng chŭn mir sư, iŏk đơ̆ng sư jăk đơ̆ng dêh 'nâu sơ̆ khơ̆ kơ dang ei.”

II Pot 8:6 ပူးပေါင်းရင်းမြစ်များ

Bl 37:36

Lu bơngai Madian mơdro noh chông ba Jôsep truh tơ dêh char Êyiptơ, tĕch sư tơ Pôtipha, yŏng linh bơngai wei Pharaôn.

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

II Pot 8:5

Gêhasi oei roi ăn kơ pơtao mơ̆ng thoi yơ Êlisê hlôi tơiung arih minh 'nu bơngai đơ̆ng lôch, na blư bơngai drŏ-kăn mĕ bơngai 'lơ̆p mă đêl Êlisê tơiung arih noh truh, sư apinh pơtao ăn kơ sư gơh đei iŏk dơ̆ng hnam păng mir chŭn sư. Gêhasi khan: “Ô yŏng tơ'ngla ĭnh, duch 'nâu bơih păng 'nâu kon drŏ-nglo sư mă đêl Êlisê tơiung arih ki.”

II Pot 8:7

Êlisê năm truh tơ pơlei Đamas. Kơplah noh Ben Hadat pơtao Aram jĭ. Đei bơngai roi ăn kơ pơtao khan: “Bơngai Kră Yang 'Bok Kei-Dei yua, 'nao truh tơ âu.”

II Pot 9:32

Jêhu ngơk lăng tơ 'măng-'mŏk na jet: “Tơ kơpal 'noh, bu gah ĭnh? Bu? Na 'bar pêng 'nu kuan krĕo nger lăng tơ sư.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Both 22:2

Tơdah tơ'ngla sư ưh kơ oei jê̆ iĕm păng dah iĕm ưh kơ băt kơ bơngai noh, na athei dui rơmo, triu noh tơmơ̆t tơ hnam iĕm, dĭng truh tơ lu 'nhŏng oh năm chă apinh, na pơdrâu tơwih ăn kơ tơ'ngla sư dơ̆ng.

Lu 11:13

Pơtao kon pơlei Ammôn tơl lu bơngai mă đơ̆ng Jeptha wơh: 'Noh yua kơ đơ̆ng lu bơngai Isơrael lĕch đơ̆ng dêh char Êyiptơ sơ̆, lu sư blah tơgar iŏk dêh char inh iŏk đơ̆ng đak Krong Arnôn truh tơ đak Krong Jabôk păng truh tơ đak Krong Jôrđăn; thoi noh dang ei pơdrâu kơ nhôn dêh char 'noh mă 'lơ̆ng bĕ.