II Pot 8:5 - Sơ̆p Hlabơar Nơ̆r 'Bok Kei-Dei

⁵ Gêhasi oei roi ăn kơ pơtao mơ̆ng thoi yơ Êlisê hlôi tơiung arih minh 'nu bơngai đơ̆ng lôch, na blư bơngai drŏ-kăn mĕ bơngai 'lơ̆p mă đêl Êlisê tơiung arih noh truh, sư apinh pơtao ăn kơ sư gơh đei iŏk dơ̆ng hnam păng mir chŭn sư. Gêhasi khan: “Ô yŏng tơ'ngla ĭnh, duch 'nâu bơih păng 'nâu kon drŏ-nglo sư mă đêl Êlisê tơiung arih ki.”

II Pot 8:5 ပူးပေါင်းရင်းမြစ်များ

I Pot 20:1

Ben Hadat pơtao dêh char Siri, sư krao akŭm đĭ-đăng lu linh sư; đei pêng-jĭt 'bar 'nu pơtao kiơ̆ sư. Aseh păng gre aseh kư̆m lơ, lu sư tŏk năm wang Pơlei Samari păng blah.

II Pot 4:12

Sư khan kơ Gêhasi bơngai đam sư: “Krao bĕ bơngai drŏ-kăn Pơlei Sunem noh” Gêhasi krao duch ei na duch ei năm hĭ, dơ̆ng 'bơ̆t anăp Êlisê.

II Pot 4:35

Êlisê jur, nơnăm 'ma 'ngiĕo lăm anih ei, đơ̆ng noh hơlơ̆k tŏk kơpal giơng lăm ei dơ̆ng tuch-luch sư, 'lơ̆p ei kơseh tơpơh 'măng păng măt sư lar hloi.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 6:26

Kơplah pơtao đe Isơrael nơnăm chă dăr rok kơpal dur pơlei, đei minh 'nu drŏ-kăn krao sư ôr khan: “Ô yŏng tơ'ngla inh, pơtao inh, inh apinh ih dŏng inh.”

II Pot 8:6

Pơtao jet hloi duch ei, na duch ei roi ăn kơ sư tơdrong noh. Đơ̆ng noh pơtao athei minh 'nu kuan krao pơma tơgŭm ăn, pơtao khan: “Pơdrâu ăn kơ duch âu dôm tơmam sư noh bĕ păng đĭ-đăng phe 'ba đơ̆ng chŭn mir sư, iŏk đơ̆ng sư jăk đơ̆ng dêh 'nâu sơ̆ khơ̆ kơ dang ei.”

Esther 5:14

Akăn sư Sêrêt păng đĭ-đăng lu buăl sư wang khan kơ sư: Athei bĕ đe pơdơ̆ng gơ̆ng atol bơngai kơjung pơđăm-jĭt hơgăt, na pơgê dơning athei pơtao ăn đe rôp hrek atol Morđêkai tơ noh. Đơ̆ng noh hiôk bĕ năm sŏng sa hơdai hăm pơtao. Tơdrong noh pơm ăn kơ Haman lăp, na sư ăn hloi đe pơdơ̆ng 'long gơ̆ng wă hrek atol đe.

Horiso 145:1

Ơ Kră Yang 'Bok Kei-Dei inh, pơtao inh. Inh gô pôk ư-ang kơ Ih. Păng hơri bơnê kơ anăn Ih ling-lang hlŏng hloi.

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Ru 2:3

Thoi noh na Rut năm mok druh kiơ̆ đơ̆ng rŏng đe yuă 'ba lăm minh hlak mir ei. Sư chă mok noh trŏ kơ mir 'Bôô, kơtum Êlimêlek.

I Sam 26:17

Sôl kơnăl kơ 'bơ̆r Đawit, na jet khan: Ơ Đawit, kon inh, hăm trŏ kơ nơ̆r kon pơma noh? Đawit tơl khan: Ơ pơtao yŏng tơ'ngla inh, 'noh jơ̆ nơ̆r inh.