II Pot 8:28 - Sơ̆p Hlabơar Nơ̆r 'Bok Kei-Dei

²⁸ Ahasia sư năm hơdai hăm Jôram kon drŏ-nglo Ahap, năm truh tơ Pơlei Ramôt Gileat wă tơblah hăm Hasael pơtao đe Aram, lu sư tơblah noh, pơtao Jôram rơka.

II Pot 8:28 ပူးပေါင်းရင်းမြစ်များ

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

I Pot 22:29

Thoi noh pơtao đe Isơrael păng Jêhôsaphat pơtao đe Juđa tŏk tơ pơlei Ramôt Gileat.

I Pot 4:13

Ben Gêber wei-lăng pơlei Ramôt Gileat, sư wei-lăng đĭ pơlei Jair kon drŏ-nglo Manase lăm char Gileat, sư kư̆m wei-lăng hloi pơlei Argôp lăm dêh char Basan, tơdrâu-jĭt tŏ pơlei tih đei dur man tăp dăr, 'măng dur chơkăl sư pơm păng kong.

II Pot 3:7

Sư wơh lu bơngai năm roi tơbăt ăn kơ Jêhôsaphat pơtao dêh Juđa khan: “Pơtao Môap tơblah hăm inh bơih, ih hăm gơh ưh ba năm blah lu bơngai Môap noh? Jêhôsaphat tơl: “Inh gô năm; inh kư̆m dang ih, kon pơlei inh kư̆m dang kon pơlei ih, aseh inh kư̆m dang aseh ih mơ̆n.”

II Pot 8:15

Năr dơning Hasael iŏk khăn djrŭ lăm đak, iŏk khăn noh klơ̆p lê̆ muh măt Ben Hadat, na 'bok ei lôch hloi. Đơ̆ng noh, Hasael pơm pơtao tơplih kơ Ben Hadat hloi.

II Pot 8:29

Na sư wơ̆t brŏk tơ Pơlei Jêsreel hơmet rơka đêl linh Aram prah 'bơm sư tơ pơlei Ramôt, 'bơ̆t năr sư tơblah hăm Hasael, pơtao đe Aram. Ahasia kon drŏ-nglo Jêhôram, pơtao đe Juđa, sư jur tơ Jêsreel wă năm lăng Jêhôram, kon drŏ-nglo Ahap oei jĭ 'bĭch păn tơ noh.

II Pot 9:1

Êlisê bơngai khan lê̆ adrol, sư krao minh 'nu lăm lu khŭl bơngai khan lê̆ adrol na khan: “Iŏk tơlei tơ̆n, tơ̆n kơiĕng ih bĕ, chĕp get đak 'bâu phu 'nâu, năm tơ Pơlei Ramôt Galaat.

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Pot 9:15

Mă-lei, Jôram hlôi wih bơih tơ Jêsreel wă hơmet jĭ rơka sư đêl linh đe Aram prah 'bơm sư 'bơ̆t sư tơblah Hasael pơtao đe Aram, na Jêhu khan: “Dah lu iĕm lăp đon, 'nĕ kơ ăn minh 'nu bu lĕch klĕnh đơ̆ng pơlei âu năm roi ăn kơ Pơlei Jesreel.”

II Pot 9:16

Thoi noh, Jêhu hao gre aseh năm tơ Pơlei Jêsreel Jôram oei păn tơ noh. Ahasia pơtao đe Juđa kư̆m jur tơ noh năm lăng Jôram.

II Ho 18:31

Wă lu yŏng linh hao gre aseh 'bôh Jêhôsaphat, na khan: “Noh boih pơtao Isơrael.” Na lu sư dăr wă blah sư. Jêhôsaphat krao ôr, Kră Yang dŏng pơklaih sư păng Kră Yang ăn kơ lu đe noh weh ataih đơ̆ng sư.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 22:5

Sư kư̆m hlŭ kiơ̆ kơ đe noh na yak kiơ̆ Jôram kon drŏ-nglo Ahap, pơtao Isơrael, năm blah tơ pơlei Ramôt Gileat, wă tơblah hăm Hasael pơtao Siri; kon pơlei Siri blah Jôram rơka.

Jôsuê 20:8

Gah hơlĕch kơ đak Krong Jôrđăn păng pơlei Jêrikô, lu sư rơih iŏk pơlei Bêser groi glă lăm teh adrĕch Rubên, Ramôt tơ char Gileat; lăm teh adrĕch Gat, pơlei Gôlan tơ char Basan lăm teh adrĕch Manase.

Jôsuê 21:38

Đei iŏk đơ̆ng adrĕch Gat, pơlei Ramôt lăm char Gileat, jing pơm pơlei ôn kơ'nơp kơ lu bơngai bu pơlôch đe hơch 'bơm, Mahanim