II Pot 8:24 - Sơ̆p Hlabơar Nơ̆r 'Bok Kei-Dei

²⁴ Jêhôram lôch, brŏk pơdơh tơ yă 'bok sư, đe 'bŭ hơdai hăm yă 'bok sư tơ Pơlei Đawit. Đơ̆ng noh, Ahasia kon drŏ-nglo sư pơtrơp đêl anih sư.

II Pot 8:24 ပူးပေါင်းရင်းမြစ်များ

I Pot 11:43

Đơ̆ng noh sư lôch sư năm oei hơdai hăm lu 'bok kơdră sư păng đe 'bŭ sư lăm pơlei Đawit, 'bă sư, Rôbôam kon drŏ-nglo sư pơgơ̆r pơtrơp sư.

I Pot 14:20

Jêrôbôam pơgơ̆r 'bar-jĭt 'bar sơnăm, đơ̆ng noh sư lôch năm oei hơdai hăm lu 'bok kơdră sư, kon drŏ-nglo sư anăn Nađap tŏk pơgơ̆r pơtrơp sư.

I Pot 14:31

Rôbôam lôch năm oei hơdai hăm lu 'bok kơdră sư. Đe 'bŭ sư hơdai hăm lu 'bok kơdră sư tơ pơlei Đawit. Mĕ sư anăn Naama, bơngai Ammôn. Abijam kon drŏ-nglo sư pơgơ̆r pơtrơp sư.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

II Pot 10:13

sư tơ'bơ̆p hĭ lu 'nhŏng oh Ahasia pơtao đe Juđa, sư jet: “Lu iĕm bu?” Lu sư tơl: “Lu nhôn 'nhŏng oh Ahasia, nhôn wă jur năm ngôi tơ lu kon drŏ-nglo pơtao hăm lu kon drŏ-nglo mĕ pơtao.

II Pot 14:20

Đơ̆ng noh, đei bơngai chơ iŏk atâu sư kơpal gre aseh, brŏk tơ Pơlei Jêrusalem păng 'bŭ sư hơdai hăm lu 'bok kơdră sư tơ Pơlei Đawit.

II Pot 15:38

Jôtham lôch thoi tep hiôk hăm lu 'bok kơdră sư sơ̆, đe 'bŭ sư jê̆ lu 'bok kơdră sư, tơ Pơlei Đawit. Ahas, kon drŏ-nglo sư, tŏk pơm pơtao pơgơ̆r pơtrơp sư.

II Pot 16:20

Đơ̆ng noh, Ahas lôch thoi tep hiôk hăm lu 'bok kơdră sư sơ̆, đe 'bŭ sư jê̆ lu 'bok kơdră sư tơ Pơlei Đawit. Hesekia, kon drŏ-nglo sư, tŏk pơm pơtao pơgơ̆r pơtrơp sư.

II Pot 8:23

Lu tơdrong hơ'mon gah Jêhôram, hơ'mon tôm tơdrong đêl sư pơm đe đei chih lăm sơ̆p hla bơar hơ'mon gah lu pơtao.

II Pot 9:28

Lu đĭch đam sư tah atâu sư lăm gre aseh na chơ ba brŏk tơ pơlei Jêrusalem păng 'bŭ lăm bơsat hơdai hăm lu yă 'bok sư tơ Pơlei Đawit sơ̆.

I Ho 3:11

kon drŏ-nglo Jêhôsaphat noh Jêhôram, kon drŏ-nglo Jêhôram noh Ahasia, kon drŏ-nglo Ahasia noh Jôas;

II Ho 21:1

Jêhôsaphat lôch năm oei hơdai hăm lu 'bok sư, đe 'bŭ sư hơdai hăm lu 'bok sư lăm Pơlei Đawit; Jêhôram kon drŏ-nglo sư iung pơgơ̆r pơtrơp sư.

II Ho 21:17

Lu sư wang blah iŏk char Juđa, blah iŏk đĭ hloi mŭk tơmam lăm hnam pơtao, rôp ba pơm bơnă đĭ lu kon drŏ-nglo lu akăn sư, oei lê̆ pă minh 'nu kon hơdruch sư Ahasia.

II Ho 21:20

Sư pơm pơtao kơplah sư 'nao pêng-jĭt 'bar sơnăm sư pơgơ̆r đei tơhngam sơnăm lăm pơlei tih Jêrusalem; sư lôch ưh kơ đei bu 'mêm kơ sư, đe 'bŭ sư lăm Pơlei Đawit, mă-lei ưh kơ đei 'bŭ hơdai lăm bơsat lu pơtao ôh.

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 22:1

Lu kon pơlei oei lăm Jêrusalem pôk Ahasia kon adruch Jêhôram, pơm pơtao đe Juđa pơtrơp 'bă sư yua kơ khŭl linh hơdai hăm linh Arâp mơ̆t blah lăm kơđông linh sư, na pơlôch đĭ lu kon drŏ-nglo 'nhŏng kơ sư, thoi noh Ahasia kon drŏ-nglo hơdruch Jêhôram iung pơm pơtao đe Juđa.

II Ho 22:6

Na sư wih brŏk tơ pơlei Jesreel, wă ming rơka sư đơ̆ng tơblah 'bơ̆t pơlei Rama, tơblah hăm Hasael, pơtao Siri, Ahasia kon drŏ-nglo Jêhôram pơtao Juđa jur tơ Jêsreel wă năm lăng Jôram kon drŏ-nglo Ahap.

II Ho 25:23

Tơ Bêt Sêmes Jêhôas pơtao Isơrael rôp Amasia pơtao đe Juđa kon drŏ-nglo Jôas, sâu Ahasia, chông ba sư tơ pơlei Jêrusalem; lu sư teh tơlơ̆ pơrăm lê̆ dur pơlei Jêrusalem iŏk đơ̆ng 'Măng Jang Êphraim dĭng truh tơ 'Măng Jang Mum, minh chăl să kơjung 'bar-hrĕng hlok.