II Pot 8:21 - Sơ̆p Hlabơar Nơ̆r 'Bok Kei-Dei

²¹ Yua kơ thoi noh Jêhôram năm tơ Pơlei Sar, anhăk ba đĭ-đăng gre aseh linh sư. Lĭnh Eđôm wang tăp tang kơ lu sư kiơ̆ kơmăng, pơtao păng lu yŏng linh pơgơ̆r lu gre aseh blah drŭt lu bơngai Eđôm, mă-lei lăp lu linh klĕch hlôi đơ̆ng bơngai Eđôm wang, lu sư kơdâu brŏk tơ hnam lu sư kơdih.

II Pot 8:21 ပူးပေါင်းရင်းမြစ်များ

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 19:8

Pơtao iung lĕch ngôi 'bơ̆t 'măng jang pơlei. Đĭ-đăng kon pơlei pơla băt khan pơtao ngôi 'bơ̆t 'măng jang pơlei, na pơma dơnuh hăm pơtao. Kơplah noh lu linh Isơrael kơdâu brŏk tơ hnam lu sư kơdih.

II Pot 14:7

Amasia pơlôch mơjĭt-rơbâu 'nu linh Eđôm tơ lăm thong 'Boh, blah iŏk pơlei Sêla păng đe krao pơlei noh anăn Jôktheel truh tơ dang ei.

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.