II Pot 8:15 - Sơ̆p Hlabơar Nơ̆r 'Bok Kei-Dei

¹⁵ Năr dơning Hasael iŏk khăn djrŭ lăm đak, iŏk khăn noh klơ̆p lê̆ muh măt Ben Hadat, na 'bok ei lôch hloi. Đơ̆ng noh, Hasael pơm pơtao tơplih kơ Ben Hadat hloi.

II Pot 8:15 ပူးပေါင်းရင်းမြစ်များ

I Pot 15:28

Sơnăm mă pêng lăm chăl Asa pơm pơtao đe Juđa Baasa pơlôch Nađap păng pơm pơtao pơgơ̆r tơplih hloi.

I Pot 16:10

Simri mơ̆t lăm hnam teh păng 'bet pơlôch hloi Êla lăm sơnăm mă 'bar-jĭt tơpơh chăl Asa pơm pơtao đe Juđa, đơ̆ng noh Sư tŏk pơm pơtao pơtrơp hloi.

I Pot 16:18

Lăp Simri 'bôh đe wang tăp dăr kơ pơlei bơih na sư mơ̆t tơ lăm kơđông hnam pơtao mă kơjăp dêh, na sư soh hnam pơtao păng akâu sư lôch hloi lăm noh.

I Pot 19:15

Kră Yang khan kơ sư: “Ih brŏk hơlơ̆k bĕ trong đêl ih năm 'noh truh tơ Pơlei Đamas. Mưh ih truh tơ noh bơih ih tuh đak rơmă 'bâu phu kơ Hasael pơm pơtao char Siri.

II Pot 15:25

Pêka kon drŏ-nglo Rêmalia, yŏng linh pơtao, chă đon wă pơm kơnê̆ kơ sư, hơdai hăm pơđăm-jĭt 'nu đơ̆ng tơring Gileat, blah kơđông kơjăp tơ Pơlei Samari, pơlôch sư hơdai hăm Argôp, Arie na sư tŏk pơm pơtao tơplih Pêkahia.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 8:10

Êlisê tơl: “Ih brŏk roi ăn kơ sư bĕ: Ơ pơtao sĭt ih gô klaih đơ̆ng jĭ, mă khan thoi ei Kră Yang 'Bok Kei-Dei tơbăt ăn kơ ĭnh sư noh gô lôch.”

II Pot 8:13

Hasael tơl: “Đam ih noh bu? Noh thoi minh pôm kŏ đĕch; liơ gơh pơm tơdrong tih dêh thoi noh?” Êlisê tơl: Kră Yang 'Bok Kei-Dei tơbăt ăn kơ ĭnh bơih, ih gô pơm pơtao char Aram.

II Pot 8:28

Ahasia sư năm hơdai hăm Jôram kon drŏ-nglo Ahap, năm truh tơ Pơlei Ramôt Gileat wă tơblah hăm Hasael pơtao đe Aram, lu sư tơblah noh, pơtao Jôram rơka.

II Pot 9:24

Jêhu iŏk hră sư gŭt prah Jôram 'brơ̆m 'bơm 'bơ̆t sơlam 'bar pah hơngiĕng, klĕch jrok tơ plei nuih sư, na sư pơ̆k lôch hloi lăm gre aseh sư.

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.