II Pot 8:14 - Sơ̆p Hlabơar Nơ̆r 'Bok Kei-Dei

¹⁴ Hasael weh hloi đơ̆ng Êlisê păng brŏk tơ yŏng tơ'ngla sư; yŏng tơ'ngla sư jet: “Êlisê roi ăn kơ ih liơ?” Sư tơl: “Êlisê roi ăn kơ ĭnh khan ih gô praih hiôk.”

II Pot 8:14 ပူးပေါင်းရင်းမြစ်များ

II Pot 5:25

Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

II Pot 8:10

Êlisê tơl: “Ih brŏk roi ăn kơ sư bĕ: Ơ pơtao sĭt ih gô klaih đơ̆ng jĭ, mă khan thoi ei Kră Yang 'Bok Kei-Dei tơbăt ăn kơ ĭnh sư noh gô lôch.”

II Pot 8:15

Năr dơning Hasael iŏk khăn djrŭ lăm đak, iŏk khăn noh klơ̆p lê̆ muh măt Ben Hadat, na 'bok ei lôch hloi. Đơ̆ng noh, Hasael pơm pơtao tơplih kơ Ben Hadat hloi.

Mathiơ 26:16

Đơ̆ng kơplah noh hloi Juđa chă tơdrong plơ̆ plĕch Yêsu.