II Pot 7:4 - Sơ̆p Hlabơar Nơ̆r 'Bok Kei-Dei

⁴ Dah bơ̆n khan năm mơ̆t lăm pơlei, lei lăm pơlei âu đei pơngot tih, păng lu bơ̆n gô lôch rơwĕt tơ ei; mă-lei dah bơ̆n hrăn ngôi 'bơ̆t dâu kư̆m lôch mơ̆n. Bĕ bơ̆n năm tơ kơđông linh Aram. Dah lu sư mơnat ăn, lei bơ̆n arih, dah lu sư pơlôch bơ̆n, mă thoi yơ hĭ, lu bơ̆n kư̆m wă lôch kơ rơwĕt mơ̆n.”

II Pot 7:4 ပူးပေါင်းရင်းမြစ်များ

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

II Pot 6:24

Đơ̆ng rŏng kơ lu tơdrong noh, Ben Hadat, pơtao đe Aram, pơpôi akŭm đĭ-đăng lu linh sư năm wang pơlei Samari.

II Pot 7:5

Thoi noh, kơplah drơ̆m kơsơ̆ lu sư năm tơ anih linh Aram; kơplah lu sư truh 'bơ̆t anih noh ưh kơ đei 'bôh bu 'bơ̆t ei.

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.