II Pot 7:18 - Sơ̆p Hlabơar Nơ̆r 'Bok Kei-Dei

¹⁸ Dôm tơdrong đei truh thoi nơ̆r Êlisê bơngai mă 'Bok Kei-Dei yua đei khan kơ pơtao thoi âu: “Năr dơning kư̆m kơplah jơ 'nâu mơ̆n, 'bơ̆t 'măng jang Pơlei Samari, 'bar hnŏng 'ba tĕch minh sêikơl jên hu păng minh hnŏng tơpŭng kư̆m tĕch minh sêikơl jên hu mơ̆n.

II Pot 7:18 ပူးပေါင်းရင်းမြစ်များ

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

II Pot 6:32

Êlisê oei ngôi lăm hnam sư kơdih, păng lu kră pơlei kư̆m oei ngôi tăp dăr kơ sư, na pơtao wơh bơih bơngai năm pơlôch Êlisê. Mă-lei kơplah bơngai mă pơtao wơh năm ei ưh tam mă truh, na Êlisê, roi ăn kơ lu kră pơlei thoi âu: “To, iĕm lăng kon 'bok mă juăt kơ pơlôch bơngai noh athei đe năm kăt ako inh. Bơ̆n krăng hŏ mưh sư truh, tang lê̆ 'măng hŏ ưh kơ ăn sư mơ̆t, iĕm ưh kơ kơtơ̆ng jơ̆ng yŏng tơ'ngla sư nơnăm 'bơ̆t rŏng sư hă?”

II Pot 7:19

Yŏng linh kư̆m tơl Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti ră, tơdrong 'nei gơh đei hă?” Na Êlisê khan dơ̆ng: “Măt ih gô 'bôh tơdrong 'noh, mă-lei ih ưh kơ đei sa ôh.”

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.