II Pot 7:16 - Sơ̆p Hlabơar Nơ̆r 'Bok Kei-Dei

¹⁶ Đơ̆ng noh kon pơlei pơla lĕch đơ̆ng lăm pơlei tơkan iŏk tơmam đơ̆ng lăm kơđông linh đe Aram. Đei tơpŭng minh hnŏng iĕ, tĕch đei minh sêikơl jên hu păng 'ba 'bar hnŏng iĕ, kư̆m tĕch minh sêikơl jên hu mơ̆n, thoi nơ̆r Kră Yang đei khan bơih.

II Pot 7:16 ပူးပေါင်းရင်းမြစ်များ

II Pot 7:1

Na Êlisê khan: “Mơ̆ng bĕ nơ̆r Kră Yang khan thoi âu: Năr dơning kư̆m kơplah jơ 'nâu mơ̆n, 'bơ̆t 'măng dur Pơlei Samari tơpŭng minh hnŏng iĕ, gô tĕch minh sêikơl jên hu, păng 'ba 'bar hnŏng iĕ, kư̆m tĕch minh sêikơl jên hu mơ̆n.

II Pot 7:15

Lu sư 'moi lu linh Aram truh tơ đak krong Jôrđăn, lu sư 'bôh hơbĕn ao păng tơmam lu sư hŭt lê̆ thơ̆r thăr glơch glach tôch môch kơ trong, kơplah lu sư hăt hot kơdâu ôn 'noh. Lu bơngai mă pơtao wơh năm ei, hơlơ̆k brŏk roi ăn kơ pơtao dơ̆ng.

II Ho 20:25

Jêhôsaphat păng lu kon pơlei sư năm wă iŏk tơmam, 'bôh đei tơmam păng akâu bơngai lôch lơ tơpă păng đei tơmam gĭt lơ tơpă dônh iŏk mah pă kĕ đĭ; lu sư dônh mah pêng năr, yua kơ tơmam lơ tơpă.

Horiso 68:12

“Lu pơtao lu wei linh kơdâu ôn, lu sư kơdâu ôn đĭ; Lu drŏ-kăn oei tơ lăm hnam asong băl tơmam đêl lu sư blah iŏk.

Horiso 68:13

Mă lu bơngai oei tơ lăm hơdrong triu, Lu sư nhen thoi pơnăr kơtơp lom păng hu. Păng sŏk sư dreng thoi maih.”

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

I Sam 17:53

Kon pơlei Isơrael đang đơ̆ng druh puh kon pơlei Philistin boih, na hơlơ̆k brŏk blah iŏk pơrăm kơđông sư.