II Pot 7:14 - Sơ̆p Hlabơar Nơ̆r 'Bok Kei-Dei

¹⁴ Thoi noh, lu sư iŏk 'bar tŏ gre aseh, tah aseh năm, pơtao athei lu sư năm kiơ̆ 'moi khŭl linh Aram păng pơkă khan: “Năm bĕ lăng lăng wă kơ băt thoi yơ tơpă.”

II Pot 7:14 ပူးပေါင်းရင်းမြစ်များ

II Pot 7:13

Minh 'nu đĭch đam pơtao khan: “Ơ pơtao, apinh ih wơh hơdôm 'nu drŏ-nglo năm rôp pơđăm tŏ aseh mă oei oei lăm pơlei, ăn bơngai hao, năm lăng lăng tơ ei, mă ưh lu sư kư̆m wă lôch thoi bơngai Isơrael mă oei lôch och och bơih 'nâu.”

II Pot 7:15

Lu sư 'moi lu linh Aram truh tơ đak krong Jôrđăn, lu sư 'bôh hơbĕn ao păng tơmam lu sư hŭt lê̆ thơ̆r thăr glơch glach tôch môch kơ trong, kơplah lu sư hăt hot kơdâu ôn 'noh. Lu bơngai mă pơtao wơh năm ei, hơlơ̆k brŏk roi ăn kơ pơtao dơ̆ng.

II Pot 9:17

Lĭnh gak dơ̆ng kơpal hnam thôt lăm pơlei Jêsreel 'bôh khŭl linh Jêhu truh na sư ôr re khan: “Inh 'bôh khŭl linh năm tơ âu.” Jôram khan athei: “Năm wơh minh 'nu linh hao aseh năm sơng lu sư tơ noh păng jet khan: Hăm hiôk-hian ưh?”