II Pot 6:9 - Sơ̆p Hlabơar Nơ̆r 'Bok Kei-Dei

⁹ Êlisê bơngai Kră Yang 'Bok Kei-Dei yua, năm roi ăn kơ pơtao đe Isơrael thoi âu: “Kơchăng hŏ 'nĕ kơ năm rok anih noh, đei lu linh đe Aram oei răp tơ noh.”

II Pot 6:9 ပူးပေါင်းရင်းမြစ်များ

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

II Pot 4:7

Kơplah ei, duch noh roi ăn kơ Êlisê bơngai mă Kră Yang 'Bok Kei-Dei yua, na Êlisê khan kơ lu sư. “Ih tĕch bĕ đak rơmă ôliwơ na pơdrâu ăn tôm hĭ đêl iĕm hre đom ei, na oei rơkah noh ih iŏk yua 'me rong hnam dơnŏ ih.”

II Pot 6:10

Thoi noh pơtao đe Isơrael wơh bơngai năm truh tơ anih mă Êlisê bơngai Kră Yang 'Bok Kei-Dei yua đei tơbăt păng roi kơ sư adrol bơih; khan athei sư krăng kơchăng lơ wơ̆t thoi noh, sư kơchăng ling-lang.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 6:8

Thoi noh pơtao đe Aram tơblah hăm lu bơngai Isơrael. Pơtao hăm lu yŏng linh, lu đĭch đam sư pơđâu băl: “Inh gô pơm kơđông inh tơ anih âu, anih to.”

Jop 5:12

Sư pơrăm lê̆ tơdrong lu bơngai kơnê̆ chă đon wă pơm. Ăn kơ tơdrong kiơ ti lu sư wă pơm ưh kơ jing.

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Tơdrông Pơđơk 22:12

Măt Kră Yang wei-lăng lu bơngai hơgei; Mă-lei sư tơhiong lê̆ tơdrong lu bơngai hơlĕnh pơma.

Je 11:18

Kră Yang đei roi ăn boih kơ inh băt tơdrong noh păng inh băt boih; Kră Yang đei pơdah boih kơ inh tơdrong kơnê̆ lu sư wă pơm.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.