II Pot 6:33 - Sơ̆p Hlabơar Nơ̆r 'Bok Kei-Dei

³³ Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”

II Pot 6:33 ပူးပေါင်းရင်းမြစ်များ

Bl 4:13

Kain tơl Kră Yang thoi âu: “Tơdrong phak inh trăp dêh, pŭ ưh kơ kĕ.

II Pot 3:10

Na pơtao đe Isơrael khan: “Kră Yang krao iŏk lu bơ̆n pêng 'nu pơtao 'nâu wă jao lê̆ lăm ti lu bơngai Môap bơih.

II Pot 7:1

Na Êlisê khan: “Mơ̆ng bĕ nơ̆r Kră Yang khan thoi âu: Năr dơning kư̆m kơplah jơ 'nâu mơ̆n, 'bơ̆t 'măng dur Pơlei Samari tơpŭng minh hnŏng iĕ, gô tĕch minh sêikơl jên hu, păng 'ba 'bar hnŏng iĕ, kư̆m tĕch minh sêikơl jên hu mơ̆n.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 15:13

Liơ ih mah pơ̆n hil plơ̆ Kră Yang 'Bok Kei-Dei, păng 'bơ̆r ih mah lĕch nơ̆r thoi noh pơma blah sư?

Jop 2:5

Apinh Ih chro ti pơrăm truh tơ kơting sĕch Jop sĭt sư gô hiap Ih.”

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 37:7

Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Tơdrông Pơđơk 19:3

Bơngai kơwao kư̆m gô tơhiong trong sư. Mă-lei đei jơhngơ̆m sư hil kơ Kră Yang.

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Je 2:25

'Nĕ kơ pơlap jơ̆ng gleh păng dĭng hơlŏng iĕm rơhing! Mă-lei iĕm khan. ‘Măk ai kiơ̆ boih; nhôn hơyuh wă kơ yang nai păng nhôn gô kiơ̆ lu sư?’

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

II Kor 2:11

Na dang ei đĭ-đăng kơ bơ̆n 'nĕ pă jô̆ yo kơ bơngai mă yoch noh, hli kơ sư hiong lăm tơdrong yang Satan, yua kơ bơ̆n băt kơ yang Satan sư pơhlŭ hơgei dêh.

II Kor 2:7

Thoi noh dang ei bơ̆n 'nĕ pă jô̆ yo kơ sư, iĕm athei dah pơlung sư đĕch hli kơ sư sơ'ngon rai dêh.

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.