II Pot 6:32 - Sơ̆p Hlabơar Nơ̆r 'Bok Kei-Dei

³² Êlisê oei ngôi lăm hnam sư kơdih, păng lu kră pơlei kư̆m oei ngôi tăp dăr kơ sư, na pơtao wơh bơih bơngai năm pơlôch Êlisê. Mă-lei kơplah bơngai mă pơtao wơh năm ei ưh tam mă truh, na Êlisê, roi ăn kơ lu kră pơlei thoi âu: “To, iĕm lăng kon 'bok mă juăt kơ pơlôch bơngai noh athei đe năm kăt ako inh. Bơ̆n krăng hŏ mưh sư truh, tang lê̆ 'măng hŏ ưh kơ ăn sư mơ̆t, iĕm ưh kơ kơtơ̆ng jơ̆ng yŏng tơ'ngla sư nơnăm 'bơ̆t rŏng sư hă?”

II Pot 6:32 ပူးပေါင်းရင်းမြစ်များ

I Pot 14:6

Lăp akăn Jêrôbôam truh 'bơ̆t 'măng, na Ahija kơtơ̆ng re jơ̆ng sư nơnăm na khan kơ sư: “Ơ akăn Jêrôbôam mơ̆t bĕ. Yua kơ kiơ ih pơm bơngai nai? Đei nơ̆r tơtă kơ inh athei inh khan tơbăt kơ ih minh tơdrong sơ'ngon tih krưp.

I Pot 18:4

Kơplah Jêsebel pơlôch lu bơngai khan lê̆ adrol mă Kră Yang yua, Ôbadia ba minh-hrĕng 'nu lu bơngai khan lê̆ adrol ôn lu sư tơ 'bar anih lăm hơgơp tơmo lăm minh anih pơđăm-jĭt 'nu, ăn kơ lu sư tơmam sa păng đak nhă.

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

II Pot 5:26

Mă-lei, Êlisê khan dơ̆ng: “'Bơ̆t bơngai 'noh jur đơ̆ng gre aseh năm tơkan sơng ih hei, bơhngol inh ưh kơ oei hăm ih tơ noh hă? Dang ei hăm trŏ kơ jơ gơh iŏk jên hu, hơbĕn ao, mir ôliwơ, mir hơmu, rơmo, triu, đĭch đam drŏ-nglo drŏ-kăn đe dah ưh?

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 7:17

Pơtao đei ăn bơih kơ yŏng linh, bơngai mă oei lăm anih pơtao noh, ăn sư gak 'măng dur pơlei, mă-lei kon pơlei juă ok ba sư 'bơ̆t 'măng dur ei, na sư lôch hloi, thoi nơ̆r Kră Yang 'Bok Kei-Dei mă Êlisê đei khan lê̆ adrol, kơplah pơtao năm tơ'bơ̆p sư.

Je 11:18

Kră Yang đei roi ăn boih kơ inh băt tơdrong noh păng inh băt boih; Kră Yang đei pơdah boih kơ inh tơdrong kơnê̆ lu sư wă pơm.

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Êsêkiên 14:1

Đei lu kră pơlei Isơrael truh tơ inh, hơ-oei 'bơ̆t anăp inh:

Êsêkiên 20:1

Sơnăm tăl mă tơpơh, năr mơjĭt khei pơđăm, đei lu kră pơlei Isơrael năm krao apinh Kră Yang, dơ̆ng 'bơ̆t anăp inh.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 8:1

Lăm sơnăm tăl mă tơdrâu, năr pơđăm khei tơdrâu, kơplah inh oei hơ-oei lăm hnam, lu kră pơlei Juđa, oei 'bơ̆t anăp inh, tơpang ti Kră Yang tih hloh tơ'bôh kơ inh.

Luka 13:32

Na Yêsu khan: “Iĕm jah năm tơ 'bok hơlĕnh pơdăr noh khan kơ sư thoi âu: ‘Năr âu păng dơning Inh chă pơpuh yang kơnê̆ păng chă pơklaih đe jĭ jăn. Na năr dơmônh Inh đang tơdrong jang Inh boih.’