II Pot 6:29 - Sơ̆p Hlabơar Nơ̆r 'Bok Kei-Dei

²⁹ Thoi noh, nhôn pai sa kon drŏ-nglo inh. Wă năr dơning dơ̆ng, inh khan kơ sư: Iŏk kon drŏ-nglo ih dơ̆ng wă kơ bơ̆n pai sa! Mă-lei sư ôn lê̆ kon drŏ-nglo sư,”

II Pot 6:29 ပူးပေါင်းရင်းမြစ်များ

I Pot 3:26

Mă-lei mĕ kon nge mă oei arih 'noh ưh kơeng, yua kơ sư 'mêm mơnat kơ kon sư dêh na sư khan kơ pơtao: “Ơ yŏng inh! Apinh ih ăn kơ bơngai 'noh kon nge mă oei arih 'nâu, ih 'nĕ kơ pơlôch sư.” Mă-lei mĕ bơngai nge lôch bơih 'noh khan: “Sư kư̆m ưh kơ trŏ kon inh, păng kư̆m ưh kơ trŏ kon ih blah song băl đĕch.”

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Êsai 66:13

Inh gô pơlung lu iĕm thoi noh. Nhen thoi mĕ pơlung kon, lu iĕm gô đei tơdrong pơlung tơ lăm Jêrusalem.

Nhom 4:10

Lu drŏ-kăn oei đei jơhngơ̆m mơnat, kư̆m hơtŭk sa lu kon sư kơdih. Pơm tơmam sa 'bơ̆t năr kon adruh pơlei sư đe pơrăm.

Lêwi 26:27

Mă đei tơdrong truh thoi ei ră, mă-lei iĕm oei ưh kơ mơ̆ng Inh 'mơ̆i, oei yak trong pha kơ trong Inh wă,

Lêwi 26:29

Lu iĕm gô sa 'nhĕm lu kon drŏ-nglo lu iĕm păng kon drŏ-kăn lu iĕm.

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

Both 28:53

Kơplah đe wang tăp dăr, lu ayăt pơrŭng iĕm, iĕm gô 'buh sa kon drŏ-nglo kon drŏ-kăn iĕm kơdih, mă đơ̆ng Kră Yang 'Bok Kei-Dei ăn kơ iĕm.

Both 28:57

gô ôn lê̆ tơpu kon sư păng kon sư 'nao tơpŭ lĕch đơ̆ng klak, yua kơ wă sa ôn hơdrô̆ sư, yua kơ ưh kơ đei tơmam kiơ sa, kơplah lăm năr rŭng răng đe wang, lu ayăt gô pơrŭng iĕm lăm pơlei iĕm.