II Pot 6:28 - Sơ̆p Hlabơar Nơ̆r 'Bok Kei-Dei

²⁸ Pơtao jet: “Ih đei tơdrong kiơ?” Duch ei tơl: “Bơngai drŏ-kăn âu khan kơ inh: Ăn kon drŏ-nglo ih, bơ̆n pơm 'nhĕm sa năr 'nâu na dơning sa kon drŏ-nglo inh.

II Pot 6:28 ပူးပေါင်းရင်းမြစ်များ

Bl 21:17

Kră Yang 'Bok Kei-Dei kơtơ̆ng kon hơ'lơ̆p noh nhơ̆m, na linh jang 'lơ̆ng đơ̆ng plĕnh krao Hagar thoi âu: “Ơ Hagar! Ih đei tơdrong kiơ? 'Nĕ kơ hli, yua kơ Kră Yang 'Bok Kei-Dei kơtơ̆ng boih nơ̆r hơ'lơ̆p ih nhơ̆m tơ anih sư noh.

II Sam 14:5

Pơtao jet, “Ih đei tơdrong kiơ?” Bơngai drŏ-kăn ei tơl: “Ôi! Inh adro po, klo lôch boih.

II Pot 6:27

Pơtao khan: “Dah Kră Yang ưh kơ dŏng ih, lei inh wă dŏng ih hăm kiơ? Yua kơ ưh pă đei kiơ lăm anih preh 'ba, kư̆m ưh pă đei kiơ lăm anih hmĕt đak hơmu bơih.”

Horiso 114:5

Ơ đak dơsĭ yua kơ kiơ ih kơdâu ôn? Ơ đak Krong Jôrđăn, yua kơ kiơ mah ro hơlơ̆k tơ rŏng?

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Êsai 49:15

Mĕ hăm gơh hiơt kơ kon sư mă oei mŏm. Dah ưh kơ mơnat kơ kon kơdih pơjing hă? Mă khan bơngai âu gơh hiơt, Inh ưh kơ hiơt kơ ih ôh.

Nhom 4:10

Lu drŏ-kăn oei đei jơhngơ̆m mơnat, kư̆m hơtŭk sa lu kon sư kơdih. Pơm tơmam sa 'bơ̆t năr kon adruh pơlei sư đe pơrăm.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Lêwi 26:29

Lu iĕm gô sa 'nhĕm lu kon drŏ-nglo lu iĕm păng kon drŏ-kăn lu iĕm.

Luka 23:29

Yua kơ ning-mônh gô đei tơdrong anat anot truh tơpă na đe gô khan thoi âu: ‘Lu bơngai akâu pôm păng lu bơngai ưh kơ lah đei kon, lu sư đĕch hiôk.’

Lu 18:23

Lu sư jreo ôr kiơ̆ đơ̆ng rŏng; lu bơngai Đan hue tơ rŏng jet Mika: Ih đei tơdrong kiơ ih mah chông ba lu bơngai lơ thoi noh?

I Sam 1:8

Êlkana klo sư khan kơ sư, ơ Hana, yua kơ kiơ ih nhơ̆m? Hăm yua kơ kiơ ih ưh kơ sŏng sa? Yua kơ kiơ jơhngơ̆m ih sơ'ngon? Liơ ih đei inh bơih ưh kơ gĭt hloh kơ đei mơjĭt 'nu kon drŏ-nglo hă?