II Pot 6:25 - Sơ̆p Hlabơar Nơ̆r 'Bok Kei-Dei

²⁵ Lăm Pơlei Samari hơtai đei pơngot tih, kơplah đe wang pơlei noh đunh, dĭng mah minh pôm kơ̆l aseh iĕ đe tĕch truh tơhngam-jĭt hlak jên hu, ĭch kơtơp dang minh puăt getchai lit, kư̆m tĕch pơđăm hlak jên hu.

II Pot 6:25 ပူးပေါင်းရင်းမြစ်များ

Bl 41:55

Đơ̆ng noh, jơ̆p lăm dêh char Êyiptơ kư̆m pơngot rơwĕt, kon pơlei năm tơ Pharaôn apinh tơmam sa. Pharaôn khan tơtă kơ kon pơlei thoi âu: Năm bĕ tơ Jôsep pơm kiơ̆ thoi sư athei.

I Pot 18:2

Thoi noh na Êli năm tơ'bơ̆p Ahap. Kơplah noh lăm dêh char Samari đei tơdrong pơngot rơwĕt tih dêh.

II Pot 25:3

Năr tơsĭn, khei puăn, lăm pơlei đei pơngot rơwĕt tih, kon pơlei ưh kơ đei tơmam sa.

II Pot 6:26

Kơplah pơtao đe Isơrael nơnăm chă dăr rok kơpal dur pơlei, đei minh 'nu drŏ-kăn krao sư ôr khan: “Ô yŏng tơ'ngla inh, pơtao inh, inh apinh ih dŏng inh.”

II Pot 7:12

Pơtao iung kơmăng, khan kơ lu đĭch đam sư: “Ĭnh wă roi tơbăt ăn kơ lu iĕm tơdrong kiơ mă lu bơngai Aram chă đon wă pơm kơ lu bơ̆n. Lu sư băt kơ lu bơ̆n pơngot; na lu sư kơdâu lĕch đơ̆ng kơđông năm ôn tơ bri, lu sư pơkă dih băl khan: Mưh lu bơngai Isơrael lĕch đơ̆ng pơlei, bơ̆n rôp lu sư, arih đơ̆ng noh bơ̆n iŏk pơlei.”

II Pot 7:4

Dah bơ̆n khan năm mơ̆t lăm pơlei, lei lăm pơlei âu đei pơngot tih, păng lu bơ̆n gô lôch rơwĕt tơ ei; mă-lei dah bơ̆n hrăn ngôi 'bơ̆t dâu kư̆m lôch mơ̆n. Bĕ bơ̆n năm tơ kơđông linh Aram. Dah lu sư mơnat ăn, lei bơ̆n arih, dah lu sư pơlôch bơ̆n, mă thoi yơ hĭ, lu bơ̆n kư̆m wă lôch kơ rơwĕt mơ̆n.”

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 52:6

Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Êsêkiên 4:17

Thoi noh đak nhă păng 'bĕng sa khăi ưh kơmah, lu sư tơlăng băl hli tơrơ păng lôch hiong yua kơ đơ̆ng tơdrong yoch lu sư pơm.”

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.