II Pot 6:23 - Sơ̆p Hlabơar Nơ̆r 'Bok Kei-Dei

²³ Na sư hơmet ăn kơ lu đe noh et sa tih; lăp lu sư et sa đang bơih, sư achăng lu đe ei brŏk, na lu sư brŏk tơ yŏng lu sư. Iŏk đơ̆ng noh khŭl linh Aram ưh pă pơ̆n mơ̆t blah dêh char Isơrael dơ̆ng.

II Pot 6:23 ပူးပေါင်းရင်းမြစ်များ

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

II Pot 5:2

Kơplah noh, đei khŭl linh bơngai Aram năm răp blah đei 'bôh minh 'nu adruh 'lơ̆p bơngai Isơrael rôp ba pơm bơnă sư, bơ̆jang awih awăn ăn kơ akăn Naaman.

II Ho 28:15

Lu bơngai drŏ-nglo mă đei anăn lu sư adrol hei iung chông lu bơnă lĕch păng iŏk hơbĕn ao đơ̆ng blah iŏk noh pơhrŭk ăn kơ lu bơnă yua kơ đei lu mơ'nah akâu hoh păng tơ'bot ăn kơ lu sư chơkhŏ, ăn sŏng sa păng pik ăn pơgang păng chơ ba lu bơngai rơmơ̆n pă kĕ yak hăm aseh iĕ, đơ̆ng noh ba lu sư wih brŏk tơ 'nhŏng oh lu sư tơ pơlei Jêrikô, pơlei 'long gol; đơ̆ng noh lu sư wih brŏk tơ pơlei Samari.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Luka 6:35

Thoi noh na iĕm athei 'mêm, pơm 'lơ̆ng kơ lu bơngai mă pơm kơnê̆ kơ iĕm. Iĕm athei ăn kơ đe mơng jên iĕm păng 'nĕ pă hơmĕng kơ jên noh. Tơ̆ng iĕm pơm thoi noh, 'Bok Kei-Dei gô apah iĕm tih tơpă păng iĕm jing kon Kră Yang Tih Hloh, yua kơ Sư kư̆m pơm 'lơ̆ng kơ lu bơngai kơnê̆ păng lu bơngai mă ưh kơ băt bơnê kơ Sư mơ̆n.