II Pot 6:18 - Sơ̆p Hlabơar Nơ̆r 'Bok Kei-Dei

¹⁸ Linh đe Aram jur wă pơm kơ Êlisê na sư krao khan kơ Kră Yang thoi âu: “Apinh ih pơm kơ măt lu linh ayăt 'nâu bơbôl ưh kơ bang.” Thoi noh Kră Yang pơm hloi kơ măt lu linh ei bơbôl ưh kơ bang, kiơ̆ thoi nơ̆r Êlisê krao khan.

II Pot 6:18 ပူးပေါင်းရင်းမြစ်များ

Bl 19:11

Na phak lu kon pơlei iŏk đơ̆ng 'lơ̆p truh tơ kră, 'bơ̆t 'măng ei, lu sư măt bơbôl đĭ, dĭng lu sư chơchă 'măng ưh pă băt.

II Pot 6:19

Êlisê khan kơ lu sư: “'Nâu ưh kơ trŏ kơ trong kư̆m ưh kơ trŏ kơ pơlei ôh. Kiơ̆ inh bĕ inh gô chông iĕm tơ bơngai mă iĕm chă 'noh.” Đơ̆ng noh sư chông lu đe ei tơ Pơlei Samari.

Jop 5:14

Kơ'năr lu sư yak thoi lăm măng mu. Tŏk-bŏk 'năr dơ̆ng lu sư chă hơwơ̆ thoi kơmăng.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Sa 12:4

Kră Yang khan: “Lăm năr noh, Inh gô druh teh rim kơ lu aseh wă kơ lu sư kơdâu hli tơrơ, dôm lu bơngai hao aseh noh gô nhen thoi wơnh; Inh gô bơyar măt Inh lăng tơ Juđa păng Inh gô teh rim aseh lu kon tơring jing măt tol.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

Rom 11:7

Lu bơngai Isơrael chă tơdrong pơm 'lơ̆ng hăm 'Bok Kei-Dei ră, mă-lei ưh kơ gơh, pôm lu bơngai Isơrael mă 'Bok Kei-Dei rơih iŏk đĕch gơh. Gah lu bơngai mă 'Bok Kei-Dei ưh kơ rơih iŏk, lu sư rai đunh rai arăng kơ̆l dêh.

Both 28:28

Kră Yang gô ăn kơ iĕm jing wơnh, măt tol, hiong tơdrong tơchĕng rŭng răng.