II Pot 6:17 - Sơ̆p Hlabơar Nơ̆r 'Bok Kei-Dei

¹⁷ Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

II Pot 6:17 ပူးပေါင်းရင်းမြစ်များ

Bl 21:19

Đơ̆ng noh Kră Yang 'Bok Kei-Dei tơ'bôh hloi kơ sư tơ noh đei đak sơlŭng. Sư năm sŏ 'bĕnh kơ get akar na ăn kơ kon sư nhă.

Bl 32:1

Jakôp oei năm rok trong, đei linh jang 'lơ̆ng Kră Yang 'Bok Kei-Dei tơ'bơ̆p sư.

Bl 32:2

Kơplah Jakôp 'bôh lu đe ei, sư khan: Noh kơđông linh Kră Yang 'Bok Kei-Dei! Sư krao anăn anih noh Mahanaim.a

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

Horiso 104:3

Sư roh hơpok hnam kơpal sư tơ kơpal đak,a Sư yua hơmơ̆l pơm gre. Sư hao kơpal pơnăr kial.

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Horiso 119:18

Pơih măt inh, wă kơ inh gơh 'bôh dôm tơdrong hlĭch chrơp lăm khôi juăt Ih.

Horiso 125:2

Lu kông tăp dăr kơ Jêrusalem thoi yơ. Kră Yang wei tăp dăr kơ kon pơlei pơla Sư thoi noh mơ̆n. Đơ̆ng dang ei dĭng truh tơ ning-mônh khŏm khŏm hloi.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Horiso 91:11

Yua kơ sư gô ăn linh jang Sư, wei-lăng rim trong ih năm.

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Da 10:7

Inh, Đaniel, lăp minh 'nu inh đĕch lăng tơdrong tơ'bôh noh, yua kơ lu bơngai mă oei hơdai inh ưh kơ 'bôh ôh tơdrong tơ'bôh noh; mă-lei lu sư hli tơtơ̆ dêh, kơdâu ôn akâu lu sư.

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Jo 22:31

Kră Yang pơih măt Balaam, na Balaam 'bôh Linh jang Kră Yang dơ̆ng tŏk-bŏk trong ti sư chĕp minh hlak đao gưm. Balaam kŭp kơ̆l drap tơ teh.

Mathiơ 26:53

Dah Inh wă dang ei Inh gơh apinh 'Bă Inh tơjur tơpơh-jĭt rơbâu 'nu linh jang 'lơ̆ng Sư blah dŏng bơ̆n.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: