II Pot 6:15 - Sơ̆p Hlabơar Nơ̆r 'Bok Kei-Dei

¹⁵ Truh tơ pơgê, đĭch đam, Êlisê bơngai mă Kră Yang 'Bok Kei-Dei yua, iung đơ̆ng hrôih, lĕch tơ jih 'bôh khŭl linh lơ, hăm aseh, gre aseh hloi, oei wang tăp kơ pơlei ei. Sư kơdâu roi kơ Êlisê: “Ơ yŏng tơ'ngla bơ̆n wă pơm liơ 'nâu?”

II Pot 6:15 ပူးပေါင်းရင်းမြစ်များ

I Pot 19:21

Êlisê tơklah đơ̆ng Êli brŏk, sư rôp 'bet sa minh đôi rơmo, đơ̆ng noh iŏk 'long rơuơ blah pơm 'long ŭnh 'buh pai 'nhĕm rơmo, đơ̆ng noh pai ăn kơ lu đam sa. Đang boih sư iung năm kiơ̆ Êli pơm jơ̆ng 'bang păng bơ̆jang kơ sư.

II Pot 3:11

Mă-lei, Jêhôsaphat khan: “Tơ âu ưh kơ đei bơngai khan lê̆ adrol mă Kră Yang wă kơ bơ̆n gơnang kơ sư 'noh jet apinh Kră Yang tơgŭm bơ̆n hă?” Minh 'nu bơngai jang kơ pơtao đe Isơrael tơl thoi âu: “Tơ âu đei Êlisê, kon drŏ-nglo Saphat, bơngai mă đêl tuh đak ăn kơ Êli ôp ti.”

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

II Pot 6:14

Thoi noh, na pơtao athei linh sư lơ, hao aseh, păng hao gre aseh năm tơ Pơlei Đôthan, lu sư truh tơ ei kơmăng na wang tăp kơ pơlei ei.

II Pot 6:16

Êlisê khan: “'Nĕ kơ hli đei lu bơngai oei hăm bơ̆n lơ hloh kơ bơngai oei hăm lu sư.”

II Pot 6:5

Mă-lei đei minh 'nu tŏk-bŏk sư oei kăl 'long, pla sung sư tơgloh, huŏng lăm đak; sư ôr: “Ơ yŏng tơ'ngla inh! Ôi sung 'nâu inh mưng sung đe tăm dơ̆ng.”

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Le 24:13

Môis iung hơdai hăm Jôsuê, bơngai jang kơ sư, na Môis năm tŏk hloi tơ kơpal kông Kră Yang 'Bok Kei-Dei.

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Jang 13:5

Bre sư truh tơ Pơlei Salêmin dêh Chiprơ ei boih, bre sư bơtho tơdrong 'Bok Kei-Dei tơ lu hnam akŭm đe Juđê. Yôhan mă đe kư̆m anăn Markôs sư kư̆m năm hơdai păng bre sư wă tơgŭm bre sư mơ̆n.