II Pot 6:12 - Sơ̆p Hlabơar Nơ̆r 'Bok Kei-Dei

¹² Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 6:12 ပူးပေါင်းရင်းမြစ်များ

II Pot 5:26

Mă-lei, Êlisê khan dơ̆ng: “'Bơ̆t bơngai 'noh jur đơ̆ng gre aseh năm tơkan sơng ih hei, bơhngol inh ưh kơ oei hăm ih tơ noh hă? Dang ei hăm trŏ kơ jơ gơh iŏk jên hu, hơbĕn ao, mir ôliwơ, mir hơmu, rơmo, triu, đĭch đam drŏ-nglo drŏ-kăn đe dah ưh?

II Pot 5:3

Drŏ-kăn 'lơ̆p ei khan kơ yă mă akăn yŏng tơ'ngla sư: “Ô dah yŏng tơ'ngla ĭnh năm tơ 'bok khan lê̆ adrol tơ Pơlei Samari, sư gô pơklaih yŏng tơ'ngla inh đơ̆ng jĭ chin noh.”

II Pot 5:8

Êlisê kơtơ̆ng băt pơtao đe Isơrael hek ao sư kơdih, sư wơh bơngai năm khan kơ pơtao đe Isơrael: “Yua kơ kiơ ih hek lê̆ ao ih kơdih? Ih athei Naaman năm tơ inh, wă kơ sư gô băt lăm Isơrael đei bơngai khan lê̆ adrol.”

II Pot 6:11

Jơhngơ̆m pơtao đe Aram rŭng răng kơ tơdrong noh, na krao lu đĭch đam sư păng khan: Liơ iĕm ưh kơ roi ăn kơ inh, bơngai bu mơ̆t pơtao đe Isơrael?

II Pot 6:13

Pơtao athei: “Năm bĕ iĕm chă sư wă kơ băt sư oei tơ yơ, na lê̆ inh ăn linh năm rôp sư.” Đei bơngai năm roi hĭ kơ pơtao. “To sư oei tơ Pơlei Dôthan.”

Le 8:3

Tơ đak krong Nil gô 'bĕnh kơ kit, lu kit gô mơmŏ mơ̆t lăm hnam pơtao tơ anih bơ̆jang, anih tep păng tŏk kơpal giơng ih, mơ̆t hloi lăm hnam đĭch đam păng kon pơlei ih, lăm anih gŏ, lăm kơthŭng ih jrâu tơpŭng pơm 'bĕng.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Bôk Bơthô 10:20

Mă khan lăm tơdrong ih tơchĕng, ih 'nĕ kơ hiap pơtê̆ pơtao ôh; mă khan lăm anih ih tep, ih kư̆m 'nĕ kơ hiap lu bơngai mơdrŏng mơng; yua kơ lu sem păr anhăk pơđông roi tơdrong ih pơm tơ ataih.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.