II Pot 6:11 - Sơ̆p Hlabơar Nơ̆r 'Bok Kei-Dei

¹¹ Jơhngơ̆m pơtao đe Aram rŭng răng kơ tơdrong noh, na krao lu đĭch đam sư păng khan: Liơ iĕm ưh kơ roi ăn kơ inh, bơngai bu mơ̆t pơtao đe Isơrael?

II Pot 6:11 ပူးပေါင်းရင်းမြစ်များ

II Pot 6:10

Thoi noh pơtao đe Isơrael wơh bơngai năm truh tơ anih mă Êlisê bơngai Kră Yang 'Bok Kei-Dei yua đei tơbăt păng roi kơ sư adrol bơih; khan athei sư krăng kơchăng lơ wơ̆t thoi noh, sư kơchăng ling-lang.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

I Sam 22:8

Liơ đĭ-đăng kơ lu iĕm pơm đon ayăt kơ inh? Yua kơ kiơ lu iĕm ưh kơ roi ăn kơ inh băt kon drŏ-nglo inh pơgơ̆p pơkă pơm buăl hăm kon drŏ-nglo Jese? Yua kơ kiơ ưh kơ đei bơngai bu 'mêm mơmat kơ inh, roi ăn kơ inh băt lê̆ adrol kon drŏ-nglo inh hlôi pơm ăn kơ đĭch đam inh ayăt hăm inh, chă đon pơrăm inh, thoi sư oei pơm dang ei?

I Sam 28:21

Na, bơngai drŏ-kăn noh năm jê̆ Sôl, 'bôh sư hli, na khan: 'Nâu inh đĭch đam ih chu kiơ̆ nơ̆r ih. Inh jao tơdrong arih inh chu kiơ̆ dôm nơ̆r ih bơtho,