II Pot 6:10 - Sơ̆p Hlabơar Nơ̆r 'Bok Kei-Dei

¹⁰ Thoi noh pơtao đe Isơrael wơh bơngai năm truh tơ anih mă Êlisê bơngai Kră Yang 'Bok Kei-Dei yua đei tơbăt păng roi kơ sư adrol bơih; khan athei sư krăng kơchăng lơ wơ̆t thoi noh, sư kơchăng ling-lang.

II Pot 6:10 ပူးပေါင်းရင်းမြစ်များ

I Pot 20:15

Na Ahap krao akŭm đĭ-đăng lu bơngai tơdăm bơ̆jang ala kơ lu 'bok pơgơ̆r tơring, đei 'bar-hrĕng pêng-jĭt 'bar 'nu. Sư kư̆m krao akŭm đĭ-đăng lu bơngai Isơrael đei tơpơh-rơbâu 'nu dơ̆ng.

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 2:12

Êlisê lăng 'bôh na sư ôr hloi: “'Bă inh ơi, 'bă inh ơi!” Gre aseh păng linh Isơrael! Êlisê hnhoi dĭng khơ̆i ưh pă 'bôh Êli bơih; na sư hek ao sư phơ̆t tŏk-bŏk.

II Pot 5:14

Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

II Pot 6:11

Jơhngơ̆m pơtao đe Aram rŭng răng kơ tơdrong noh, na krao lu đĭch đam sư păng khan: Liơ iĕm ưh kơ roi ăn kơ inh, bơngai bu mơ̆t pơtao đe Isơrael?

II Pot 6:9

Êlisê bơngai Kră Yang 'Bok Kei-Dei yua, năm roi ăn kơ pơtao đe Isơrael thoi âu: “Kơchăng hŏ 'nĕ kơ năm rok anih noh, đei lu linh đe Aram oei răp tơ noh.”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Tơdrông Pơđơk 27:12

Bơngai gơh hơgei đei tơdrong gleh băt weh ôn. Bơngai kơtul kơwao kư̆ năm tơ anăp, răp pŭ răm.

Je 11:18

Kră Yang đei roi ăn boih kơ inh băt tơdrong noh păng inh băt boih; Kră Yang đei pơdah boih kơ inh tơdrong kơnê̆ lu sư wă pơm.

Mathiơ 2:12

Lu 'bok pơjâu hnhoi sơnglŏng ei tep kơmăng apo 'bôh 'Bok Kei-Dei khan kơ lu sư khă kuă ăn wih tơ pơtao Hêrôt. Na lu sư iung wih trong nai, wih tơ pơlei lu sư kơdih.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.