II Pot 5:25 - Sơ̆p Hlabơar Nơ̆r 'Bok Kei-Dei

²⁵ Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

II Pot 5:25 ပူးပေါင်းရင်းမြစ်များ

Bl 16:8

Na jet: “Hagar đam Sarai, ih đơ̆ng yơ?” Hagar tơl: “Inh weh đơ̆ng muh măt Sarai, yŏng tơ'ngla inh.”

Bl 4:9

Kră Yang jet Kain thoi âu: “Oh ih Abel tơ yơ?” Sư tơl: “Inh ưh kơ băt, inh bơngai wei oh inh ah?”

II Pot 20:14

Na Êsai bơngai khan lê̆ adrol năm tơ pơtao Hesekia păng jet sư: “Lu bơngai noh, roi tơdrong kiơ păng lu sư đơ̆ng dêh char ayơ mă năm truh tơ âu?” Hesekia tơl: “Lu sư đơ̆ng dêh ataih, đơ̆ng char Babilôn.”

II Pot 5:22

Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

II Ho 26:19

Usia hil, ti sư oei chĕp get wă soh tơmam 'bâu phu; kơplah sư hil dêh kơ lu 'bok soi, đei hloi jĭ chin lĕch 'bơ̆t klĕng sư tơm măt lu 'bok soi, lăm hnam Kră Yang 'bơ̆t jê̆ chơnang soh tơmam 'bâu phu.

Tơdrông Pơđơk 30:20

'Nâu tơdrong bơngai drŏ-kăn đi pơm: Sư sa bơih na sŭt 'bơ̆r, Păng khan: Inh đei pơm yoch kiơ?

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 26:21

Kơplah lu sư oei sŏng sa Yêsu khan: “Inh khan kơ iĕm tơpă, đei minh 'nu lăm lu iĕm dang ei wă plơ̆ plĕch Inh.”

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

I Sam 10:14

Ma Sôl jet sư păng đam sư: Măr iĕm năm tơ yơ? Sôl drơ̆ng sư: Nhi chă lu aseh iĕ akăn Jrok; ưh kơ 'bôh; na nhi năm apinh Samuel.