II Pot 5:22 - Sơ̆p Hlabơar Nơ̆r 'Bok Kei-Dei

²² Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

II Pot 5:22 ပူးပေါင်းရင်းမြစ်များ

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

I Pot 20:35

Chu nơ̆r Kră Yang, đei minh 'nu lăm lu bơngai khan lê̆ adrol khan kơ buăl sư: “Apinh ih teh inh,” Mă-lei buăl sư ưh kơ teh sư.

I Pot 20:39

Lăp pơtao năm brih trong 'noh sư ôr apinh pơtao: “Đĭch đam ih oei lăm anih tơblah; na đei minh 'nu năm ba kơ inh minh 'nu bơngai bơnă păng khan kơ inh: ‘Ih athei wei bơngai 'nâu; tơdah sư kơdâu klĕnh tơ nai, lei tơdrong arih ih gô tơplih kơ sư 'noh, dah mă ih duh minh talâng hu.’

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 2:3

Lu khŭl bơngai khan lê̆ adrol oei lăm pơlei Bethel năm jet Êlisê: “Ih hăm băt ưh dang ei Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ!

II Pot 2:5

Lu khŭl bơngai khan lê̆ adrol oei lăm Pơlei Jêrikô năm tơ Êlisê, jet sư: “Ih hăm băt ưh năr âu Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ”

II Pot 2:7

Đei pơđăm-jĭt 'nu lăm lu khŭl bơngai khan lê̆ adrol kiơ̆ bre sư, dơ̆ng tơ ataih kơ bre sư; bre Êli hăm Êlisê oei dơ̆ng 'bơ̆t cheng đak krong Jôrđăn.

II Pot 4:26

Ih kơdâu sơng sư năm! Păng ih jet sư: “Hăm oei hiôk 'lơ̆ng ngăl ưh? Klo ih hăm oei hiôk 'lơ̆ng ưh? Kon ih hăm oei hiôk ưh?” Duch ei tơl: “Oei hiôk 'lơ̆ng mơ̆n!

II Pot 5:21

Thoi noh, Gêhasi druh 'moi Naaman! Naaman hue lăng tơ rŏng 'bôh đei bơngai druh 'moi sư, na sư jur đơ̆ng gre aseh, năm tơkan sơng bơngai 'noh păng jet “tôm tơdrong oei hiôk-hian mơ̆n ưh?”

II Pot 5:25

Na sư hăt hot năm hloi tơ Êlisê yŏng tơ'ngla sư, Êlisê jet sư khan; “ơ Gêhasi ih brŏk đơ̆ng yơ noh hei?” Sư tơl: “Inh ưh kơ đei năm tơ yơ ôh”

II Pot 5:5

Na pơtao đe Aram tơl: “Năm bĕ, inh gô gơih ăn kơ pơtao đe Isơrael kơthơ.” Thoi noh, Naaman năm hĭ, chĕp ba mơjĭt hlak talâng jên hu, tơdrâu-rơbâu hlak maih păng mơjĭt blah ao.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Je 9:5

Rim 'nu gô chă hơlĕnh pơdăr băl. Ưh kơ đei bu pơma tơpăt ôh; Lu sư pơjuăt boih hơpiĕt lu sư pơma hơlĕnh. Lu sư hrăn nŏng pơm tơdrong kơnê̆. Đĭ lap kơdih akâu.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Jôsuê 24:33

Êlêasar, kon drŏ-nglo Arôn, kư̆m lôch, đe 'bŭ sư tơ Gibêah pơlei mă Phinêhas, kon drŏ-nglo sư, teh noh đe ăn kơ sư tơ tơring groi kông Êphraim.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Lu 14:12

Samsơn khan kơ lu sư: Inh gô pơpơn lu iĕm minh tơdrong; lăm tơpơh năr đe pơm giĕng et sa pơkong tih, tơdah lu iĕm tơlang trŏ inh gô apah lu iĕm pêng-jĭt blah che brai se păng pêng-jĭt blah ao tai đe hrŭk pơguăng.