II Pot 5:20 - Sơ̆p Hlabơar Nơ̆r 'Bok Kei-Dei

²⁰ Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 5:20 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

II Pot 13:19

Êlisê bơngai mă Kră Yang 'Bok Kei-Dei yua noh hil kơ sư, khan kơ pơtao: “Dah ih huăt pơđăm tơdrâu wơ̆t, lei ih blah char Aram dĭng răm đĭ; mă-lei 'nâu ih gô blah lu bơngai char Aram lăp pêng wơ̆t đĕch.”

II Pot 4:12

Sư khan kơ Gêhasi bơngai đam sư: “Krao bĕ bơngai drŏ-kăn Pơlei Sunem noh” Gêhasi krao duch ei na duch ei năm hĭ, dơ̆ng 'bơ̆t anăp Êlisê.

II Pot 4:25

Thoi noh, duch ei năm truh tơ Êlisê bơngai mă Kră Yang 'Bok Kei-Dei yua, tơ kông Karmel. Êlisê tơmang 'bôh duch ei đơ̆ng ataih, na sư khan kơ Gêhasi, bơngai đam sư: “To bơngai drŏ-kăn Sunem truh tơ âu.”

II Pot 4:31

Gêhasi năm adrol kơ bre sư păng dan 'long jra 'bơ̆t muh măt bơngai 'lơ̆p ei. Mă-lei 'nhŏ kơtơ̆ng kiơ hloi, kư̆m ưh kơ 'bôh tơdra kiơ wă tơbăt khan “Bơngai 'lơ̆p ei arih.” Sư wơ̆t tơ rŏng tơ'bơ̆p Êlisê păng khan: “Bơngai 'lơ̆p 'noh ưh pă hơdơ̆r hloi bơih.”

II Pot 4:36

Na Êlisê krao hloi Gêhasi, na khan: “Ih krao bơngai drŏ-kăn Pơlei Sunem noh tơ âu.” Gêhasi krao hĭ duch ei. Duch ei kơdâu tơkan tơ sư, na sư khan kơ duch ei: “Iŏk pôk kon ih bĕ.”

II Pot 5:16

Mă-lei Êlisê tơl khan: “Inh pơkă hăm Anăn Kră Yang mă arih ling-lang, tơ'ngla mă inh bơ̆jang, inh ưh kơ iŏk yă kiơ ôh.” Naaman lung athei Êlisê iŏk, mă-lei Êlisê pơjăng ưh kơ iŏk.

II Pot 5:21

Thoi noh, Gêhasi druh 'moi Naaman! Naaman hue lăng tơ rŏng 'bôh đei bơngai druh 'moi sư, na sư jur đơ̆ng gre aseh, năm tơkan sơng bơngai 'noh păng jet “tôm tơdrong oei hiôk-hian mơ̆n ưh?”

II Pot 6:31

Pơtao ôr rơ̆n pơma pơkă khan: “Dah inh ưh kơ kăt ako Êlisê kon drŏ-nglo Saphat lei apinh Kră Yang 'Bok Kei-Dei sek tơlang, phak inh mă trăp hloh.”

II Pot 8:4

Kơplah 'noh, pơtao oei pơma dơnuh hăm Gêhasi đam Êlisê bơngai mă 'Bok Kei-Dei yua pơtao jet: “Ih athei roi ăn kơ ĭnh tôm tơdrong tih mă Êlisê pơm bơih.”

II Pot 8:7

Êlisê năm truh tơ pơlei Đamas. Kơplah noh Ben Hadat pơtao Aram jĭ. Đei bơngai roi ăn kơ pơtao khan: “Bơngai Kră Yang 'Bok Kei-Dei yua, 'nao truh tơ âu.”

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Tơdrông Pơđơk 26:16

Bơngai hơlah khan sư hlôh wao, Hloh mă đei tơpơh 'nu tơl lăp kư̆m tim mă tam sư.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.

Mathiơ 10:4

Simôn mă kiơ̆ khŭl đe Sêlôt sơ̆ hăm Juđa Ikariôt, bơngai mă plơ̆ plĕch kơ Yêsu.

Mathiơ 26:9

Pơgang 'bâu phu noh kăp jên dêh, lơliơ sư ưh kơ wă tĕch chă jên asong kơ lu bơngai dơnuh hin?”

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 6:70

Yêsu khan kơ lu sư: “Inh rơih mơjĭt-'bar 'nu lu iĕm mă-lei minh 'nu lăm lu iĕm dang lĕ yang kơnê̆.”

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Sam 14:39

Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.