II Pot 5:18 - Sơ̆p Hlabơar Nơ̆r 'Bok Kei-Dei

¹⁸ Apinh Kră Yang mơnat pă jô̆ yo kơ inh minh tơdrong 'nâu đĕch: Rim wơ̆t yŏng tơ'ngla inh, mơ̆t lăm hnam yang Rimôn wă kơkuh kơ yang ei, dui ba kơkŏng ti inh, na mưh sư kơkuh, inh kư̆m drap kơkuh thoi sư mơ̆n. Thoi noh, apinh Kră Yang pă jô̆ kơ inh đĭch đam ih tơdrong noh.

II Pot 5:18 ပူးပေါင်းရင်းမြစ်များ

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

II Pot 17:35

Kră Yang pơm tơdrong pơgơ̆p pơkă hăm lu sư, bơtho khan kơ lu sư: “Lu iĕm 'nĕ kơkuh kơ lu yang nai, dah bơ̆jang kơ lu sư, păng 'nĕ kơ soi sơmah kơ lu sư.

II Pot 7:17

Pơtao đei ăn bơih kơ yŏng linh, bơngai mă oei lăm anih pơtao noh, ăn sư gak 'măng dur pơlei, mă-lei kon pơlei juă ok ba sư 'bơ̆t 'măng dur ei, na sư lôch hloi, thoi nơ̆r Kră Yang 'Bok Kei-Dei mă Êlisê đei khan lê̆ adrol, kơplah pơtao năm tơ'bơ̆p sư.

II Pot 7:2

Yŏng linh mă jê̆ pơtao, sư tơl nơ̆r Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti, tơdrong noh gơh đei hă?” Êlisê tơl: “Măt ih gô 'bôh tơdrong noh, mă-lei ih ưh kơ đei sa ôh.”

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Jo 21:15

Păng thŭng glă truh tơ Ar păng tơ'bưh 'bơm hơdral char Môap.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.