II Pot 5:14 - Sơ̆p Hlabơar Nơ̆r 'Bok Kei-Dei

¹⁴ Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

II Pot 5:14 ပူးပေါင်းရင်းမြစ်များ

I Pot 17:16

Tơpŭng ưh kơ đĭ đơ̆ng lăm ge, đak rơmă ôliwơ kư̆m ưh kơ đĭ đơ̆ng lăm get, trŏ thoi nơ̆r Kră Yang đei yua Êli bơtho akhan.

II Pot 4:35

Êlisê jur, nơnăm 'ma 'ngiĕo lăm anih ei, đơ̆ng noh hơlơ̆k tŏk kơpal giơng lăm ei dơ̆ng tuch-luch sư, 'lơ̆p ei kơseh tơpơh 'măng păng măt sư lar hloi.

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Jop 31:13

Tơdah inh đei pơdê tơdrong 'măn ăn kơ đĭch đam drŏ-nglo drŏ-kăn inh, Kơplah lu sư pơma jŏk kơ inh.

Jop 33:25

Na akâu sĕch akar sư rơmuăn nhen thoi oei 'lơ̆p; Jơhngơ̆m pran sư hơlơ̆k dơ̆ng thoi oei mơlôh.

Le 4:7

Kră Yang khan dơ̆ng: Dan ti ih tơ kơtơh dơ̆ng; na sư dan hloi tơ kơtơh, achăng ti sư lăng 'bôh sĕch akar sư thoi so.

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

Lêwi 13:58

Mă-lei hơbĕn ao, brai tơdơ̆ng dah brai tơnanh, dah tơmam kiơ mă hăm akar mă ih đei pih, tơdrong jĭ phơ̆k tơkloh bơih, ih athei pih dơ̆ng wơ̆t mă 'bar đơ̆ng noh sư gô rơgoh.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Sa 14:8

Lăm năr noh đak tơdrong arih gô lĕch ro đơ̆ng pơlei Jêrusalem, minh trong noh ro tơ đak dơsĭ gah hơlĕch, minh trong gô ro tơ dơsĭ gah bơmơ̆t, lăm bơyan 'mi hăm bơyan phang tă kơ đei ngăl.

Luka 4:27

Kư̆m thoi noh mơ̆n, kơplah Êlisê pơtruh nơ̆r 'Bok Kei-Dei tơ dêh char Isơrael âu sơ̆ đei lơ bơngai jĭ chin lăm dêh âu. Mă-lei Êlisê ưh kơ đei pơklaih lu sư ôh. Sư pơklaih pôm 'bok Naman, bơngai đơ̆ng dêh char Siri đĕch, sư dêh char tơmoi mơ̆n.”

Luka 5:13

Na Yêsu chro hloi ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Jôsuê 6:4

Tơpơh 'nu 'bok soi năm adrol kơ Hom Pơgơ̆p chĕp tơpơh tŏ tơgiĕp hơke bơbe bram, truh năr mă tơpơh, lu iĕm athei dăr jum dăr kơ pơlei noh tơpơh wơ̆t, hơdai hăm tơpơh 'nu 'bok soi hlôm tơgiĕp,