II Pot 5:13 - Sơ̆p Hlabơar Nơ̆r 'Bok Kei-Dei

¹³ Mă-lei lu đĭch đam sư năm jê̆ sư, khan kơ sư: “Ơ 'bă, dah bơngai khan lê̆ adrol athei ih pơm tơdrong tơnat ih ưh kơ pơm hă? Na tơma 'nâu sư khan: “Hum bĕ, na gơh klaih.”

II Pot 5:13 ပူးပေါင်းရင်းမြစ်များ

Bl 41:43

Na athei hao gre đơ̆ng rŏng kơ gre pơtao, đei bơngai yak adrol ôr khan thoi âu: Drap kơkuh bĕ! Âu đei jao kơ Jôsep wă pơgơ̆r đĭ dêh char Êyiptơ boih.

I Pot 20:23

Lu đam Siri bơ̆jang kơ pơtao siri khan kơ pơtao sư: “Yang lu sư 'noh yang kông, thoi noh na lu sư pran hloh kơ bơ̆n. Mă-lei tơdah bơ̆n tơblah hăm lu sư tơ lăm thŭng dơnă, lei sĭt bơ̆n pran hloh kơ lu sư.

I Pot 20:31

Lu bơngai jang kơ pơtao khan kơ pơtao: “Lu nhôn kơtơ̆ng đe khan pơtao đe Isơrael đei tơdrong mơnat. Dang ei apinh ih ăn kơ nhôn tơ̆n 'bi tơ kơiĕng păng pơ̆n tơlei tơ kơ̆l đơ̆ng noh yơ̆r ti năm tơ'bơ̆p pơtao đe Isơrael. Rŏ lăng sư kư̆m ăn kơ ih arih mơ̆n.”

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 2:12

Êlisê lăng 'bôh na sư ôr hloi: “'Bă inh ơi, 'bă inh ơi!” Gre aseh păng linh Isơrael! Êlisê hnhoi dĭng khơ̆i ưh pă 'bôh Êli bơih; na sư hek ao sư phơ̆t tŏk-bŏk.

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Pot 5:3

Drŏ-kăn 'lơ̆p ei khan kơ yă mă akăn yŏng tơ'ngla sư: “Ô dah yŏng tơ'ngla ĭnh năm tơ 'bok khan lê̆ adrol tơ Pơlei Samari, sư gô pơklaih yŏng tơ'ngla inh đơ̆ng jĭ chin noh.”

II Pot 6:21

Pơtao đe Isơrael 'bôh lu sư, na pơma dơnuh hăm Êlisê khan: “Ơ 'bă wă pơlôch lu sư dah ưh? Wă pơlôch lu sư dah ưh?”

II Pot 8:9

Thoi noh, Hasael năm sơng Êlisê bơngai mă Kră Yang 'Bok Kei-Dei yua, chông ba puăn-jĭt tŏ aseh lăk-đa, chơ ba dôm tơmam mă 'lơ̆ng ngơ-ngei đơ̆ng pơlei Đamas noh, wă ăn kơ Êlisê bơngai mă Kră Yang 'Bok Kei-Dei yua, sư năm tơ'bơ̆p Êlisê, na khan: “Kon drŏ-nglo ih Ben Hadat, pơtao đe Aram, sư wơh inh năm tơ ih sư wă apinh khan: “Ĭnh hăm wă kĕ klaih đơ̆ng jĭ 'nâu dah ưh?”

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Mathiơ 23:9

Păng iĕm 'nĕ krao lu bơngai ala teh âu 'bă, yua kơ iĕm đei minh 'nu 'Bă tơ plĕnh ti boih.

Yo 13:8

Pêtrôs khan: “Inh ưh kơ hơnhŏ Ih ôp jơ̆ng inh na inh ưh kơ layơ ăn Ih ôp jơ̆ng ôh.” Yêsu khan: “Dah Inh ưh kơ ôp jơ̆ng ih, lei ih ưh pă pơm jơ̆ng 'bang Inh boih.”

Yo 9:7

Na Yêsu khan kơ sư: “Năm bĕ ih, năm 'nhao măt ih tơ đak dơnâu mă đe anăn dơnâu Silôm.” (Silôm wă khan đak klang đơ̆ng nai ro tơ dơnâu Silôm.) Na sư năm 'nhao hloi tơ đak dơnâu ei. Klaih kơ noh sư brŏk tơ hnam sư kơdih, sư gơh 'bôh hơdah boih.

Jang 22:16

Na dang ei ih gô kiơ? Ih iung wăi, năm iŏk 'batem, krao khan kơ Yêsu wă kơ ih klaih đơ̆ng tơdrong yoch.’

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

I Sam 28:23

Sôl sơngah khan: Inh ưh kơ sa, mă-lei lu đĭch đam sư păng bơngai drŏ-kăn adrin pơlung sư dĭng sư chu kiơ̆ nơ̆r athei; sư iung đơ̆ng teh tŏk hơ-oei kơpal giơng.

I Sam 9:10

Sôl khan kơ đam sư: Trŏ boih bĕ ba năm. Bre sư năm truh tơ pơlei bơngai mă Kră Yang 'Bok Kei-Dei yua ei oei.