II Pot 5:11 - Sơ̆p Hlabơar Nơ̆r 'Bok Kei-Dei

¹¹ Mă-lei Naaman hil, sư năm rah jŏk rah: “Inh tơchĕng hli kơ akâu sư kơdih hloi năm sơng inh, dơ̆ng 'bơ̆t ei krao apinh Kră Yang 'Bok Kei-Dei, iŏk ti sư pel hloi 'bơ̆t rơka jĭ chin, hơli 'ma 'ngiĕo, pơklaih jĭ chin inh.

II Pot 5:11 ပူးပေါင်းရင်းမြစ်များ

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

II Pot 4:5

Duch ei chu hloi, sư đe kon sư mơ̆t lăm hnam tang chơkăl lê̆ 'măng; lu kon drŏ-nglo sư ba ăn kơ sư bô̆i. Na duch ei tuh đak rơmă rim kơ bô̆i ei.

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Pot 5:12

Đak krong Abana păng đak krong Pharpar, 'bar tŏ đak krong tơ Đamas 'noh ưh kơ 'lơ̆ng hloh kơ lu đak krong tơ Isơrael hă? Inh hum đak 'nei ưh kơ klaih hă? Thoi noh sư blĕk dêh, weh hloi tơ nai.

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Tơdrông Pơđơk 3:7

'Nĕ lăng gơh hơgei kiơ̆ kơ măt kơdih, Mă-lei hli yom bĕ kơ Kră Yang, weh bĕ đơ̆ng trong kơnê̆.

Mathiơ 15:27

Bơngai drŏ-kăn ei khan: “Ơ 'Bok, trŏ boih, mă-lei inh wă kơ Ih tơgŭm inh 'biơ̆, yua kơ phŏ phŏ inh kư̆m 'bôh kŏ năm alep sa đêl kon hơ'lơ̆p sa asĭ.”

Mathiơ 19:22

Lăp bơngai tơdăm ei kơtơ̆ng thoi noh sư sơ'ngon dêh yua kơ sư mơdrŏng tơpă. Đơ̆ng noh na sư brŏk hloi.

Mathiơ 8:8

'Bok tih linh ei khan: “Ơ 'Bok, inh ưh kơ hơnhŏ wă anhăk ba Ih tơ hnam inh ôh, inh wă kơ Ih sơkat đơ̆ng âu đĕch na sư tơ hnam klaih.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Yo 13:20

Inh khan kơ iĕm tơpă wă kơ iĕm băt: Bơngai bu sơng iŏk bơngai mă Inh wơh, bơngai 'noh dang sơng iŏk Inh. Bơngai bu sơng iŏk Inh, noh dang sư sơng iŏk 'Bă Inh mă wơh Inh.”

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.