II Pot 4:9 - Sơ̆p Hlabơar Nơ̆r 'Bok Kei-Dei

⁹ Yă ei khan kơ klo sư: “Inh băt bơngai mă juăt kơ năm tơ hnam bơ̆n 'noh sư bơngai 'lơ̆ng tơpăt thoi Kră Yang 'Bok Kei-Dei wă.

II Pot 4:9 ပူးပေါင်းရင်းမြစ်များ

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 17:24

Yă adro noh khan kơ Êli: “Dang ei inh băt kơ ih 'nâu minh 'nu bơngai đơ̆ng Kră Yang 'Bok Kei-Dei yua, dôm nơ̆r Kră Yang pơm lăm 'bơ̆r ih sĭt tơpă.”

II Pot 4:7

Kơplah ei, duch noh roi ăn kơ Êlisê bơngai mă Kră Yang 'Bok Kei-Dei yua, na Êlisê khan kơ lu sư. “Ih tĕch bĕ đak rơmă ôliwơ na pơdrâu ăn tôm hĭ đêl iĕm hre đom ei, na oei rơkah noh ih iŏk yua 'me rong hnam dơnŏ ih.”

II Ho 25:7

Mă-lei bơngai Kră Yang 'Bok Kei-Dei yua năm khan kơ sư: “Ơ pơtao 'nĕ ăn kơ lu linh bơngai Isơrael năm hơdai ih, yua kơ Kră Yang ưh kơ oei hơdai hăm lu bơngai Isơrael ôh, kư̆m ưh kơ oei hơdai hăm lu kon sâu Êphraim mơ̆n.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.