II Pot 4:41 - Sơ̆p Hlabơar Nơ̆r 'Bok Kei-Dei

⁴¹ Êlisê khan: “Lei ăn tơpŭng noh tơ âu.” Na sư iŏk tơpŭng ei tuh lăm gŏ păng athei đe noh: “Sŏ ăn kơ lu sư sa bĕ.” Thoi noh, lăm gŏ 'nhot ei pă đei hơkăm kiơ bơih.

II Pot 4:41 ပူးပေါင်းရင်းမြစ်များ

II Pot 2:21

Na Êlisê năm truh tơ tu đak, sư tuh 'boh ei lăm tu đak noh, na khan: “Kră Yang khan thoi âu: ‘Inh pơklaih bơih đak 'nâu, đơ̆ng âu tơ anăp đak âu ưh pă pơm kơ kon bơngai lôch bơih, kư̆m huay pă pơm kơ nge lăm klak rơngăt dơ̆ng.’ ”

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Pot 6:6

Êlisê bơngai 'Bok Kei-Dei yua jet: “Sung huŏng tơklă ayơ?” Bơngai ei tơhlâu ăn anih sư huŏng Êlisê koh minh hơjăl 'long, hrang tơklă pla sung huŏng noh, pơm kơ pla sung trơl đông kơpal đak

Le 15:25

Môis krao apinh Kră Yang; Kră Yang tơ'bôh ăn kơ sư minh pôm dơng 'long, sư iŏk klơ̆m lăm đak, na đak jing 'lơ̆ng. Na tơ noh, Kră Yang ăn tơdrong juăt hăm tơdrong tơtă ăn kơ kon pơlei păng tơ noh sư pơlong lăng lu sư.

Yo 9:6

Klaih kơ noh Yêsu kơsoh đak hai tơ teh, hơwơ̆r đak hai păng teh hơdai. Klaih kơ noh na Sư pik tơ măt bơngai măt tol.

Jang 28:5

Na Pôl tơtreh 'bih ei tơ ŭnh. Mă-lei Pôl huay kơ jĭ ôh.

I Kor 1:25

Dôm tơdrong 'Bok Kei-Dei trŏ ngăl ră, mă-lei phŏ kon bơngai bơ̆n lăng thoi lĕ kơtul. Mă tơpă dôm tơdrong 'Bok Kei-Dei hơgei hloh kơ tơdrong kon bơngai lăng hơgei. Dôm tơdrong 'Bok Kei-Dei pran kơtang, mă-lei phŏ kon bơngai lăng thoi lĕ rơdu. Mă tơpă dôm tơdrong 'Bok Kei-Dei pran, Sư pran hloh kơ kon bơngai pran