II Pot 4:40 - Sơ̆p Hlabơar Nơ̆r 'Bok Kei-Dei

⁴⁰ Pai đang bơih lu sư sŏ ăn kơ lu đe ei sa, mă-lei lu sư 'nao sa tŏ sĕt, ôr krao: “Ơ bơngai Kră Yang 'Bok Kei-Dei, yua 'nhot 'nâu đei hơkăm, bơ̆n sa 'nâu lôch!” Đĭ-đăng lu sư pă pơ̆n sa.

II Pot 4:40 ပူးပေါင်းရင်းမြစ်များ

Bl 25:29

Lăm minh năr noh, Jakôp pai chao, Êsâu 'nao brŏk đơ̆ng bri lap dêh;

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

II Pot 1:11

Pơtao wơh dơ̆ng yŏng linh nai hăm pơđăm-jĭt 'nu linh plơ̆ng năm tơ Êli, yŏng linh 'nâu khan kơ Êli: “Ơ bơngai mă Kră Yang 'Bok Kei-Dei yua, pơtao khan kơ ih: ‘Jah jur mă tĕnh.’ ”

II Pot 1:13

Pơtao Ahasia wơh dơ̆ng minh 'nu yŏng linh mă pêng năm hăm pơđăm-jĭt 'nu linh mă sư wei yŏng linh 'nâu tŏk truh tơ Êli tơ kơpal kông, sư sơtơ̆p kŭl-tăng 'bơ̆t anăp Êli, apinh thoi âu: “Nhôn đĭch đam ih ơ bơngai mă Kră Yang 'Bok Kei-Dei yua, apinh ih lăng tơdrong arih inh păng tơdrong arih đĭ-đăng pơđăm-jĭt 'nu bơngai 'nâu gĭt găl.

II Pot 1:9

Pơtao wơh hloi minh 'nu yŏng linh chông pơđăm-jĭt 'nu linh sư năm tơ Êli, kơplah noh Êli oei ngôi kơpal wĕch kông. Yŏng linh ei khan kơ sư: “Ơ bơngai mă Kră Yang 'Bok Kei-Dei yua, pơtao wă kơ ih jur.”

II Pot 4:39

Minh 'nu lăm lu sư, lĕch năm tơ mir chă phĕ 'nhot, 'bôh plei hơmu bri, na sư phĕ hĭ hơmu bri ei, 'nŭng 'bơ̆t kiĕng ao sư, brŏk tơ hnam, kiĕt blah, tah lăm gŏ, kơplah ei oei ưh kơ băt noh plei kiơ.

II Pot 4:9

Yă ei khan kơ klo sư: “Inh băt bơngai mă juăt kơ năm tơ hnam bơ̆n 'noh sư bơngai 'lơ̆ng tơpăt thoi Kră Yang 'Bok Kei-Dei wă.

Le 10:17

Dang ei, apinh ih mơnat ăn kơ inh pă minh wơ̆t 'nâu; păng krao khan bĕ kơ Kră Yang 'Bok Kei-Dei lu iĕm, wă kơ sư iŏk lê̆ đơ̆ng inh tơdrong pơrăm krưp 'nâu.

Le 15:23

Wă truh tơ Mara đei đak, mă-lei đak tơ noh tăng, nhă ưh kơ gơh na anih 'nâu đe krao Mara.a

Markôs 16:18

dah sư rôp 'bơm 'bih mă 'bih choh sư păng dah sư sa et 'bơm tơmam bơnhŭl, lu sư ưh kơ đei jĭ ôh; păng sư gô pel akâu đe jĭ jăn, na akâu đe gô klaih.”

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.