II Pot 4:38 - Sơ̆p Hlabơar Nơ̆r 'Bok Kei-Dei

³⁸ Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

II Pot 4:38 ပူးပေါင်းရင်းမြစ်များ

Bl 25:29

Lăm minh năr noh, Jakôp pai chao, Êsâu 'nao brŏk đơ̆ng bri lap dêh;

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

II Pot 2:1

Kră Yang wă pôk atŏk Êli hăm phŭt gơhnŏk huơ̆r, bre Êli păng Êlisê lĕch đơ̆ng Pơlei Gilgal.

II Pot 2:3

Lu khŭl bơngai khan lê̆ adrol oei lăm pơlei Bethel năm jet Êlisê: “Ih hăm băt ưh dang ei Kră Yang wă pôk iŏk 'bok thây ih weh tơklah đơ̆ng ih? Sư tơl: “Inh băt; lu iĕm thĕng đĕch hŏ!

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

II Pot 4:39

Minh 'nu lăm lu sư, lĕch năm tơ mir chă phĕ 'nhot, 'bôh plei hơmu bri, na sư phĕ hĭ hơmu bri ei, 'nŭng 'bơ̆t kiĕng ao sư, brŏk tơ hnam, kiĕt blah, tah lăm gŏ, kơplah ei oei ưh kơ băt noh plei kiơ.

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

Jop 30:4

Lu sư phĕ hla 'long pơgang, păng lu hơmŭl 'long bri. Rơh tơlei 'long bri pơm tơmam sa lu sư.

Tơdrông Pơđơk 8:34

Pŭn hiôk dêh bơngai bu mơ̆ng kiơ̆ nơ̆r Inh; Oei lăng măng năr 'bơ̆t 'măng jang Inh, gô răp 'bơ̆t 'măng hnam Inh.

Êsêkiên 11:3

Lu sư khan: ‘Dang ei trŏ kơ man hnam. Pơlei âu jing gŏ 'bŭng, lu bơ̆n jing thoi 'nhĕm sĕch.’

Êsêkiên 11:7

Thoi ei na Kră Yang Tih Hloh khan thoi âu: Lu akâu bơngai lôch mă lu iĕm hŭt lê̆ lăm pơlei âu jing 'nhĕm păng pơlei jing gŏ 'bŭng; mă-lei lu iĕm Inh gô pơpuh lê̆ tơ 'nguaih kơ pơlei.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Am 7:14

Amôs tơl Amsia: Inh ưh kơ trŏ bơngai khan lê̆ adrol ôh păng inh kư̆m ưh kơ trŏ kơ kon 'bok khan lê̆ adrol mơ̆n; mă-lei inh jing minh 'nu bơngai wei triu păng bơngai bơwei hơmet dôm lu 'long hơra bri brah đĕch.

Markôs 6:37

Mă-lei Yêsu khan kơ lu bơngai pơhrăm păng Sư: “Iĕm 'me lu sư wăi.” Na lu sư khan kơ Sư thoi âu: “Liơ nhôn kĕ răt truh 'bar-hrĕng hlak jên hu wă kơ gơh asong kơ lu sư tơmam sa?”

Luka 10:39

Mathê đei minh 'nu oh drŏ-kăn anăn sư Mari. Na Mari tơoei 'bơ̆t jơ̆ng Yêsu mơ̆ng Sư bơtho.

Luka 2:46

Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Luka 8:35

Na lu kon pơlei pơla năm lăng tơdrong noh lơliơ. Lu sư năm tơ Yêsu na 'bôh bơngai mă đêl yang mơ̆t ei oei ngôi 'bơ̆t jơ̆ng Yêsu. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu đe ei hli kơ Yêsu.

Luka 8:38

Lăp Yêsu tŏk tơ thŏng-nan na bơngai mă 'nao klaih kơ wơnh ei apinh kiơ̆ oei păng Yêsu. Mă-lei Yêsu ưh kơ anhăk ba ôh. Sư khan:

Luka 9:13

Mă-lei Yêsu khan kơ lu sư: “Iĕm 'me sư wăi.” Lu sư khan: “Bơ̆n đei lăp pơđăm tŏ 'bĕng mi păng 'bar tŏ ka đĕch, na Ih wă kơ nhôn năm răt tơmam sa wă 'me lu đe tơpôl âu dah kiơ?”

Yo 21:5

Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Yo 21:9

Lăp lu sư tŏk tơ kông boih, lu sư 'bôh ŭnh ngar păng gơnap ka oei phang kơpal ŭnh ei păng đei 'bĕng mi mơ̆n.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 15:36

Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

I Sam 19:20

Sôl wơh bơngai năm rôp Đawit; na lu sư 'bôh minh khŭl bơngai khan lê̆ adrol oei suang pơma khan lê̆ adrol păng Samuel pơgơ̆r lu bơngai ei, Yang Bơhngol 'Lơ̆ng Kră Yang 'Bok Kei-Dei mơ̆t pơm kơ lu sư lu sư kư̆m suang pơma khan lê̆ adrol mơ̆n.