II Pot 4:37 - Sơ̆p Hlabơar Nơ̆r 'Bok Kei-Dei

³⁷ Duch ei năm truh, drap 'bơ̆t jơ̆ng sư, păng kŭp muh măt tơ teh, pôk iŏk kon sư na lĕch tơ 'nguaih.

II Pot 4:37 ပူးပေါင်းရင်းမြစ်များ

Bl 48:12

Jôsep iŏk bre kon sư đơ̆ng blu păng kŭl-tăng 'bă sư na drap bon tơ teh.

I Pot 17:24

Yă adro noh khan kơ Êli: “Dang ei inh băt kơ ih 'nâu minh 'nu bơngai đơ̆ng Kră Yang 'Bok Kei-Dei yua, dôm nơ̆r Kră Yang pơm lăm 'bơ̆r ih sĭt tơpă.”

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

II Pot 4:36

Na Êlisê krao hloi Gêhasi, na khan: “Ih krao bơngai drŏ-kăn Pơlei Sunem noh tơ âu.” Gêhasi krao hĭ duch ei. Duch ei kơdâu tơkan tơ sư, na sư khan kơ duch ei: “Iŏk pôk kon ih bĕ.”

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.